TU CHAN ZUMTU

Tuchan zumtu, Kawhhranmi, kannun phung, kan kalphungah kan iruah i tleih tlengah kan i tleihmi hi,zumhnak ah kan thazanga derchin tih a kan hngalhter tu pakhat cu an si.
Tu chan zumtu cu, kan maklawlaw,
Pathian zonghi, fimnak he, hmai hngalngai in a thangtthat ngammi kan si cang, kan kalphung kan nun ning kan kawhhran mi sinak hi, a phungmen in kan ruah cang, cucu kan i ralrin a herh taktak mi a si.

Zarhpini,(Sunday) ni cu zuu ding sa ei zawng nih pumh caan a si ti cu kan hngalh dih, cun i pumh hi a phung menin a pummi mitampi kan um fawn
Zuu tama hmanh nih zarhpi zing pumh lo cu an ning a zak cang,
Zarhpi ni zing pumh cu kan hoi le kan inn pa chak thlang an i pumh ruangah, ningzah phen, thangchiat phan men ruangah a pummi kan si hna, Biak inn kan phanhah, Thinlung Biak inn lengah chiah diam, mahmipum long biak inn chungah um
A siloah sipua ziah,siloah hoi le he perle vah choinak dingah kan thinlung kan vahter diam tawn hna,
Cucu, pumh lo pumh kan ti khawh hnga!

Pathian kan Biak ning hrimhi Thluachuah hmuh kan duh ruang men ah kan biak cang, Laimi tampi nih,
Bawipa. Thluachuah kan pelaw kan in thangtthat laitiin, rawllo tilo in thlakan cam, Pathian nih thluachuah a kanpek taktak tikah, Pathian cu philh diam fawn, Harnak kan tawn caan vial ah Bawipa Bawipa tiin mitthli he au fawn
Harnak kan tawn caan cun, Pathian sinah kan( piahta na), kan harsatnak
Vial te a kan phuan dih, chimhmasak awk le chim hmasak lo awk hmanh kan hngal lo, nain lomhnak kan tawn tikvialah,  Pathian cu philh dipdep i, Pathian he cun i hlat taktak fawn,
Hihi kan lairam Kawhhran mi kan zatlang nun kan si ning taktak ah kan i tleih mi an si hna.
Laimi nih Phunglam( Rule)ah kan ruahmi, hna cheu khat cu,
1. Zarhpi ni cu pumhni a si caah pumh ve ding.
2.Hoi biakinn ah an kal ah cun, Kallo cu ning zah ah i lak in, thinlung lopi in biak im kal.
3.Pathian sinah, Bomhnak rumro hal.
4.lomhnak biachim hngalh ballo.
5. Minih Pathian an thangthat ruang ah thangthat ve...

Hihna hi, kan nunnak cioah,
Van chek hlathna usihlaw, laimi lakah
Hi hna lak hin a fihlimmi, 100%ah 10% hmanh a luatmi a himmi an si lai ka zumlo i kan um lai zong ka ruatlo.

Mimit hmuh ah zohdawhnak hrang,
Mi nih fak duhnak men, minih thangtthat duhnak men caah Pathian hi kan thangtthat sawh i a siko Tuchan zumtu mitampi nih cun,
Tu ah hin kan laimi Pastors, Ka hrin tthan ko a timi vialte hi, India ram, Communist, ram Kawhhran azalen lonak hmunah um sihlaw, Pathian abia ngam i ttanh ngammi cu kan um lai hmanh ka ruatlo,
Cu chimlo, tuah hin, kan inn ah maw a siloah minih, khipa cu khinu cu tiin kan kong an rak chimah, khin, kan thin a hang i, a mah nu pa nih maw a kan ti tiin, lehrulh a duhmi longte kan si.

Laimi hi Minun nak, mikong lam a chimhmang bikmi mi kong ceih a hmangbik mi kan si hna. Zumtu ttha ah kan ruahmi hna zongkhi, mikong ceiha  thawng taktak mi le,mi hmuhlo nak Biak inn chung siloah cun, Thihnak bantuk in a chiakha mi thimlung akengmi longte kan rak si
Zumtu mi nih kan i ceih ding kan chim kan relbik ding mi cu, Jesuh khrih kong long long hi sisehlaw,
Kan thianghlim kho lai,
Cun a suallomi a sifawn, jesuh kong chim cu a sual hrimhrimlo, Mikong kan chim ding a siah cun Jesuh kong bak hi chim hna usih.

Pathian hmanh hmai hngal tak in a biangam tu cu Laimi longlong kan si,
Pathian min in, thil kan tuah kan ti nain cucu amin long Pathian kan min kan putter, kan thinlung tu cu setan he a rak kaltti peng fawn,kan tuahnak a ruang cu kan mah min tthat duh ruang ah a silo hmanhah kan mah calongah kan tuah, Pathian caah cun kan rak tuah hrimhrim lo,
Hi ti kan si tikah Pathian hmaiah pei
Kan rak sual tuk i, Pathian nih   dan akan tat tawnnak hi a rak si cu,
Kan thinlung Pathian kan thangthat ning vialte hi kan thlen, dih a hau cang, Apakhat Jesuh kan ti leng mangko hna kan hmurka cun nain,kan thinlungah cun 10 nak hrawng hmanhah hmun a ting colo tu cu Pathian a rak si ziar, Pathian cu thluachuah duh ruang menah kan rak biak khi a rak si,Pathian biak cu rumnak a silo, Nain zungzal nunnak ngeihnak a si deuh cun Zawnruahnak ngeihnak, Thinlung Thiang ngeihnak a si.

Pathian he pei laimi cu kan rak i tawntak taklo cu,
Mi mithmuh,mi zoh dawh duh ruang menah pei Pathian cu tawn kan rak timh i kanrak biak ko hna cu timi hi,
Fiang hlangtuk in Tu chan zumtu hna kan nun nih hngalh khawh asiko.

Pathian cu Bia le a caah, na caan, namipum, na sinak vialte chan ngam hmanh, Pathian nih cu na zumhnak cu
Ngeih chiatnak ah a caanter bak lailo,
Na zumhngam nak bak kha Pathian nih a duhmi cu a si, cu na zumh ngamnak cu pei a hngalh duhmi, kan sinin. Aduh mi cu an siko cu, Hrintthan kan timi zong hi aw minung
Sinak in rak hrintthan khawh a rak siko, nain Thlarau a tello ah cun, A nungmi, a rak silo isiko,
Kan hrintthan tiah kan iruah i rak hrinthan tunglo, cun Pathian rian ka ttuan rua kan i tilio zongah hin, Setan rian kan rak tuan cuahmah ko hna cuh, cucu a sikho mi a siko Thiang Thlarau he lo cun.

Zumtu Pathian mi kan iti nain,
Pathian mi rak silo in Setan mi tu kan rak si hna,
Tuchan Laimi Kawhhran mi hna cu,
A thianglo mi thing thei a thli in kan ei mi atamtuk, Cucu minung nih kan i hngal kho hna lo nain Pathian nih cun a hngalh ko kan tuahmi vialte hi.

Eve le Adam nih thingthei an ei ah khan a thlitein kan ei i a kan hngallai lo tiah an i ruah veko dahkaw, nain Pathian nih cun a hmuh ko hna, nain an duh thimnak kha dawh Pathian nih a duhmi a si i a hngah mi hna an siko cuh an van i ithim taktak tikah cun sualnak thihnak an i thim i,
Pathian duhlomi an i thim caah,
Eden dumin tthawl an si i,cun faktaktak in hrem an rak si i tuchun ni tiangah an hremnak cu a dong lo i an tefa le ka sin ah nihin nitiang a hmunrihnak hi a si cuh, Vawikhat te sual hna cu a poi lo tiah kan ruah awk a silo, Eve le Adam nih khan voikhat an sual caah an hremnak nihin tiang a hmun rih hih, cu bantuk in, Nihin zumtu, nih kan tuahmi hremnak zonghi, Zungzal mei chungah a site lai
Cutikah a dongti lomi meichungah kan um zungzal cang ko lai, cucu kan inn ah kan i thim awk an silo.....

Nain Nihin Lairam zumtu kan nunnak nih cun cuhmunah cun a kan kalpi dihte lai, Kawhhranmi ka si kan tiko bu zongah, hell ah thlak kan si dihte lai cucu zeiruangah, kan i ti te hna lai,
I a ruang cu, kan Pathian kan biak ning, kan thangthat ning hi pei Pathian Thangthat silo in  kan mah kan rak i thangthat khi an rak si cu, cucu Pathian thangtthat tiin kan mah nih min kan rak pek chommi men an rak si hna cu......

Biak Inn chunglongah Hrintthan i Biak Inn lengah le mihmuh lonak ah hrintthan tunglo in cun zeitin hme,
Zungzal nunnak inn ah cun kan luhkhawhlai, kan tuah ning cio in le ka mah he a phutawk cio in dan a kan tatte lai i bia kan ceihte lai.....cutik ah kan vuivai lai nain san an tlai tilai lo cucaah, a caan a um lioah hin kan Pathian hi thangthat in a caah kan nunnak kan si ning vialte i pe in a rianțuan hna usih, kanmah rian le, kan mah thangthatnak, minthatnak i pek nak  hrang caah sitilo in a mah Zungzal a nung mi Pathian thangtthatnak caah siko cangseh.

By. Salai Cs Thang.