Fale kan caah nule hi fak deuh in kan chim a Siah cun kanlamhmi vawlei, kan oxygen bantuk an si kan ti khawh hnga!Nule cawnpiak nak tangah le,zohkhenhnak tangah a thangmi minung cu nu le zohkhenhnak, cawnpiak nak tangah a thanglo mi he fawitein hngalh khawh an si i thlei dan khawh an si hna.
Minung pakhat missianary pa nih a chimmi bia pakhat cu,
Ka nu nih a rak ka cawnpiak bantuk khan, Nu lenih an fale hi rak cawnpiak cio hnasehlaw, Bawi Jesuh khrih hi vawleiah a rat i a rak thih hi a herh hnga lo tiah a rak chim bal,
Cu tluk cun nule hi, an biapi fale kan caah cun, sullam an rak ngei taktak khi a rak si.
Nan ruat cio vemaw? Nule Dawtnak hi
Vawlei cung dawtnak vialte ah hin, AGape Dawtnak a sang bik an ti,
Nain cunak hmanhin a sang deuh hlah maw timi dawt nak cu, Nu le nih fale an rak kan dawt nak hi a rak si.
Kei cu kanu hi a dam lo le a lung retheih ka hmuh cun, ka taksa hi an fak dih, ka lung thli khin ka Nu in mi hna cu in piak ka duh nain, cucu a sikho fawnlo, cun cu bantuk ka thinlung ken cu ka chim ngam fawnlo nain a thlitein cun, Ka nu a in minak in ka rak tuarpinak ka rak hrawmhpi nak khaa a rak fak deuh lai tiah ka ruah tawn.
Fale caah nule an rak sunloi ning an rak biapit ninghi, nihin laimi, Laiholh a hrammi vialte lakah hin a hngal thiam lomi, minung tampi kan um rih theu lai tiah ka ruah.
Ka nih fale hna kan nule dawtnak hi
Kan nun chungvial te hmanh in lehrulh tim hna usihlaw kan chamkho hnain kan lehrulh kho hna lai lo,
Voi thong tampi zong hrinthan in chuak than ko hmanh usih law, cu hmanh cun kan cham thlu kho hna lailo.
Hi bantuk thiamthiam in, Nule nih fale an kan dawtnak hi, a dongh a thiam velo, voizei zathmanh thihin nung than hmanh hnasehlaw an kan dawtnak nih an thinlung an ruahnak a chuah takin a ziam hlei lailo, cucu Dawtnak vialte lakah Dawtnak ngan bik changtu a si tiah ka ruah, a ngan bik dawtnak cu, Pathian nih minung a kan dawtnak, hi asi....
Fale kan damlo le kan zawt
fah ah nule an sungloi ning cu fiang chin in kan hngalh khawh cio ko hnalai dah,
Nule nih aw aan thatein a kan chonh i a kan zohkhenh a kan cawmkenah cun, kan mitthli tiang a sawm tawn i, hnangamnak mitthli,lunglomhnak mitthli an rak put tawn cio hna lai.
Nule dawtnak hi hmurka in chimle phuannak bia niha tlinhlo zeiti hmanhin chimh fiankhawh zong a silo. Nu le dawtnak tangah, hnangam in kan um lio ah hin, nule sunsak awk hngal in, nule dawt le kilven hi hngal hna usih, Thlankhur an luhhnu ah va dawtle, thilpuan tthatha va thlak, Mittli dawrtampi he thlah hna cu san an tlai tilo cucu vawlei nih phungah a tleih i kanngeihmi men an si, kha kan dawtnak hna kha an caah santleihnak, lomhnak a um lo, an thihhnu longah nule caah mitthli tlakter mi kan si sual maw?
An nunlio teah khan na dawtnak kha langhter, na hmurka pau, na nu kha tihzah, cun kha tikah na nu mit chung in lomhnak mitthli a luan ah cun thluachuah nganpi kan in chungkharah a tlung lai ti hi kan hngalh a biapi, nu le ngeih chiatnak mitthli kan luanter ah cun kan in chungkhar kan nunnak kan hmailei caan kansi nak dingah, khua awng kan pemlai lo, thluachuah in kaa khar piak kan si lai, nu le an umti lo hnuah na mitthli tlakter kha san an tlailo, an nun lioah na nu na dawtnak ruangah na mitthli a luangmi kha na nu nih hmuhsehlaw, cu tikah lomhnak mitthli aa sawmlai i, na nu mitthli kha thlua chuah an silai.
Nu le kan dawtnak hi an thih hnu longah kan langhter tawn laimi nih cun, a poi tuk hihi, an nun lioah dawin an biangai in, Zei kan tuah poah ah nule thluachuah pek ta lo cun tuah a duhlo mi si hna usih.
Cu cun nule kan dawtnak kha Pathiam nih a hngalh lai cun kan nule zong nih an hngalh lai, cucun thluachuah kan hmu lai, nule a lomh ter lo tu fa nih cun Thluachuah zeitik hmanhah a hmu lailo, Pathian zawng a daw taktak fawn lailo cucu a fiang mi a si, Pathian zong nih nain pa chak thlang, na chungkhar hmanh na dawt khawh lo cun zeitin dah mithmuh khawh lo Pathian cu na dawt khawh lai tiah a kan cawn piak ko khah.
Cucaah kan mit nih a hmuh khawhmi hna, vawleiah kan Pathian a simi hna kan Nu le hi daw hna usih, sunhloihnak pein upat zia thiam hna usih,tiah fale vialte kan sawm hna..
Salai Cs Thang.
No comments:
Post a Comment