HRINGTU KAPA DAWTNAK.

Papa nang cu ka chuah hlan, ka raksem tir in kapa na rak si,
Kapa Nafa le kan caah a țha biktiin khua na rak kan ruahpiak i na rak kan cawn piak mi hna kha, huatnak ah kan rak in hman tawn,kapa nih a ka dawlo, tiin na thang kan rak in chiat tawn.
Kapa ka ca ah na tuarnak, na thazang dih in, na hrum ai nak vialte hna, zeiah in rello in ka rak um lio hnaah khan, ka lu cungte ah na kutnem chuan in, Pathian sinah, lomhnak biachim in Thlazaa na rak ka campiak tawn, ka ngaihchiat caan, ka țahcan,
Ka nuarcaan, ah na rak ka thlem i na rak ka hnemhtawn. Nun na rak kan cawn piak ah kan rak huat, na umnak leirat hmanh kan rak duh tawnlo,
Țv zoh na kan sianh loah, kan rak in huat khawh ning kha mu kapa, khakha kan ca ah hmailei caan saupi khua na rak kan ruahpiak mi a si ti kha kan rak hngal kho bak lomu kapa,
Zeitluk kan rak in huat le kan rak in remlo zongah nang cu hringtu kan pa na rak si thiamthiam ko, kan ca ah Nilinruah sur na tuarmi, nainmi, kan rak hngal thiamlo,
A surthlulo, a linhhrial loin a rak kan Cawmtu, kapa, kan herhmi Vialte a sikhawh chungin le na thazang nih a rak phak lo tiang hna in a rak kan zuampiak tu cu kapa nang na rak si.
Kan inn chungkhar ah nang cu hnahnawk, chiatserhnak bantuk ah kan rak in ruahlioah khan, nang cu kan Innchungkhar ca ah, thluachuah phurtu le, a hrampi kan Innchungkhar ah a tungpi na rak si.

Kapa na kan tuah piakmi vialte hi,
Vawlei cung chawleva vialte nih hin a rak caw kho baklo, hoi hngarin kan um caanah na lungthlitein kan ca ah na ngeih a rak chia, nain a ngeihchiatnak a thazangdernak, zeitik hmanhah fale hmaiah a langhter lotu mithmai țhalomhnak ni ceu bang a tlan ter zungzal tu na rak si.
Hoi nun bantuk in nun kan rak duh veah, na rak kan sianhlo cun kan sinak hmanhnih a phak lo tiin na rak kan cawnpiak tawn, khakha kapa na Kan dawtloah kan rak ruah, nain tuhnu ka ruahah hin, Pavialte lakah Patthabik na sinak a langhtertu an rak si, Pathian hngal butein le, Pathian țihzahbutein nun dingle, zeithilpoah țhatein a tuahmi, sidingah tawidawrnak he na rak kan cawnpiak lio hna, kapa zeikhi na rak ruah kan in tilioah khan hmailei kan caan ah mithmai tha kan hmuhkhawh nak dingle zungzal nunnak nun a ngeikho mi kan rak si venak ding pei na rak kan cawnpiak kha ti hi ka hngalh cang.

Kan lucungah zaantlai pi hnaah na mitthli dawr he, mawvan sang lungrethei ngaihchiain Pathian sinah thla narak kan campiak tawn,  kan ca ah thluachuah na rak kan halpiak,
Nunnak țha kan ngeih khawhnak ding hnaah Kan caah mitthli he na rak au tawn kha ka philh lo, kapa kha na thlacamnak hna kha zeitik hmanhah ka philh ballo, kan huat tuk tawnlio zawngah khan kha na thlacamnak aw kha ka thinlung nih hin a hngalh zungzalko, nain keimah minung sinak nih a ka teituk ca ah, zeihmah ka rak ruat kho lo i zeisullam hngalloin ka rak um, nain Kapa nihin ah hin kha vialte na mithli, na lungre theih,van sang in Pathian na auh nak kha, a lakah na rak ruah menlai kapa, a lak an rak sihrimhrimlo, Nihin ah Pathian nih na Thlacam nak hna kha a hngalh cang i
Kei na fale kan thinlungah hin sullam an rak ngei cang ,thluachuah an rak si cang, cucu zeitin kan fianter lai kapa kha tikhan thla rak kan campiak loin le, cawnpiak loin khan rak um law nihin zeidir hmundah kan sicang hnga, kanthi cang laima a siloah zeikhi kan lawh hnga, nihhin ah hin hidir hmun, le Pathian he kan i tawnnak dingah hin lam a rak um men hngalo.
Nihin kan dirhmun le khrih a ngeimi kan sinak hi kha na thlacam nak a phi an siko, nihinah cun Kapa na duh bangin Zungzal nunnak a ngeitu, PaThian fapa ka si ve cang.
Nang zong Pathian fapa na si i kei zong ka si ve cang, kapa kan chamkho lailo na dawtnak hi, zeitik hmahah lehrulh in tim in cham in tim hmahsihlaw ka tuah kho lailo, kan chamkho hrimhrim lailo, a dongkho lomi na dawtnak hi kei nih cun Ka ruatphan in ka hngalh dih kho ballailo
Cucu na dawtnak sanzia a fianter tu an si.

Kapa, Pathian nih nangmah bantuk Pa a rak ka pek hi lomhnak bia zong ka chim, hoipa bantukin fimhlah hmanhlaw, thiltuah khomi silo hmahlaw, A rawkkho tilominun,
A ziamkho tilomi dawhnak, hna ka ngeih khawhnak dingah na ka tuahpiak mi naka cawnpiakmi thluachuah na ka halpiak mi hi,
Pafim, pathiam, mirumpa tampi nih an fale an tuahpiak khawhlo mi hna an si.
Rianlianngantuk mi na tuan i na tuahkawh ca ah kapa sunparnak conglomhnak nganpi kan pek,
Nafapa nih.

Kapa Pathian nih thluachuah in pesehlaw, nunkhua saunak,
Lomhnak, hnangamnak he zungzal lamin hruaiko seh.

Kapa kan dawttuk na ka dawtnak hi kan chamkho lailo, kan huatilo kan dawttuk cang, Jesuh nih an dawt bantuk in kan dawt ve.
Kapa Vanle vawlei sertu PaThian nih thluahchuahnak inpe koseh.

Kapa hitin na caah thla ka cam_

Cungnung bik ah, a tthumi Pathian nangmah cu hibantuk Pattha na ka pek ca ah na minthiang kan thangthat i sunparnak lianngannak vialte cu kan pek,
Aa nungmi Pathian kapa hi, nang mah na kapek mi a si bantuk in, na kutah kan chanh, nangmah nih lomhnak, hnangamnak he, lamhruaiko
Nunkhua saunak zong ka pekpiak law, saupi ka pa hi ka dawt i ka zohkhenh khawhnak lai Na kut thiang chungah kan nunnak kan chanh,
Jesuh min in kan nawlko,
Hi kan auhnak hi a thiang hlimmi Raithawinak bantuk in rak ka co hlanpiak ko tiah, Cungnung bik Jesuh khrih min in thlaka rak cam,
Amen.........
Na-
Fafa pa Na Dawt mi.

By. Salai Cs Thang.