Hi capar hi rak relhrim hrim, na reltik belah na philh lo dingmi cu, kan tial duhnak a ruang hi na ruahphilh lo a biapi i cun hihi pumpak hmuhnak ruahnak a siti hi na philh lo ka duh.
Nang zeitin na ruah ve kan miphun thilthuam tu chan ah kan hman ning hna hi...
Salai Cs
Kan miphun hi kan tlau telai.hiti ning in kan kal pengah cun.
Kan miphun thilthuam hi sunloihhna usih...
A ho minung,pafim nih hme Kan lai thilthuam hi sunloih in sunsak ne lai!
Kan Chin miphun thuamthil hna hi.
Laimi hi
Kan fimtuk ruangah mo? kan hruhtuk ruangah hme laimi, nunphung bantuk in kan Laithuam thil hna hi zatlang thuam thilban tukmen ah kan ruah hna hnga! Fak deuh in ruat hna usih, Kan vawleipi aa chungum mi minung vialte hi na ruat bal ve maw? Zeibantuk nunphungin dah an nun i an miphun hmelchunhnak kan tilai ma, a fiantertu pakhat a si vemi an thilthuam hi, an sunloih hna i an ni sung lawi,biapi longah an i hruk eih i, an sunsak ti hi na ruat bal mo? Kan nih laimi cu kan miphun kan i thuamnak thilri in pumhnak, tibantuk, Lenvah nak tibantuk ah a hmang mi kan tamtuk. Hi bantuk in miphun thuamthil a hmangtu cu Vawleipum pa luk ah hin , Laimi(Chin)mi phun long hi kan siko ruatiah ka ruah, van ruathmanh uh, miphun thuamthil hna cu, a sungloibak mi, asangbak mi
Sunloihbak mi an si hna i, cuthil thuam he hna cun Biakinn chungah Pathian sinah hmai hngaltaktak in kan chuak i kan i pum hna, hi nih a langhter mi cu, Laimi(chin) miphun hna hi mithinlung sang bak kan rak si,
Miraltha hruhralthat in a ralțha mi kan rak tambak timi a langhter tu an si.
Chinmiphunni, (chin national Day) tibantuk, le miphun he a peh tlaimi nisunloih ni longah hman dingmi, miphun thuam thil cu, a tuah cun,Zungkainak,Biakinn i pumhnak,
Mihmai dirsawhsawh nak menah kan hman cang, zeitin hme kan miphun hi kan sunsak kan dawt, kan ti ngam i ka tanh kan ti ngam fawn nelai, a thuam thilhmanh sunloih lo tu hna nih hin kan miphun chinmi phun hi kan sunsak kan ti ko hna lai ma? thuamthil hmanh zeiah kan reltunglo, Pathian biakinn hnaah cun, itamhnak sangpi a tha lemlo,
Minung hi kan i tamhnak kan thuamthil nih kan thinlung hi a uk(control) tak tak tihi kan hngalh ko buin, hi bantuk sunsakmi thilthuam le miphun hnam a dawhter tu thuamthil hna he Biakinn kan panh lengmang mi hna hi cu, zohnak in hngalhkhawh kan simi pakhat cu, Mithinlung sangbak kan si tihi asi.... kanpong kamram, minung hna hi zohhna hmanh usih, a hmangmi miphun ram an um baklo, Korea,india,mizo, miphun kip an hnamthuamthil, bantuk memmenah a hmangmi ram an um lo,
Kan sunsak lo tuk kan miphun thuam thilhi, a dawhnak, a sunloinak kan thlaudih, tuhnu kum 5 hrawngah cun Zeihmanh hi tining cun a sitilai lo, tlonlennak thilpuan menah kan hman telai.....cucu a fiangko hitining kan si cun, kan hngakchiat deuh lio hnaah khan cun, Laithil i hruk hi, hngakchia deuh chimlo upa hmanh nih dawh an rak ngamh huaha lo kha, tuah cun hngakchiatar nih, a cil in kan cil dih cang hna, kan laithil thuam kanmiphun thuam nih, a suungnak a thlau chinleng mang, kan hruttuk, hmangti hna hlah usih, Kan nunphung le kan thilthuam kan sunsak lo ning a fakchin leng mang, Tlau hram pei kan i thawk taktak ko cang hna hi, Laimi kan tlau taktak teko lai, mah tikan sicun kan miphun thuam thilhna hi miphun dang nih kan miphun thuam asi tihi an hngalti lai lo,cutik ah cun kan tlau taktak cang khi a rak si canglai, Kan lailam le Laimiphun nitibantuk ah a dawh khawh ning, Sunday chiarte pumhnak hman cu, kan tlau hram asiko, bantuk tete hin pei miphun tlaunak hram cu an si ko hna cu, na ruat bal vemaw? Na miphun thilthuam kan hman ning hi,!
Zeitin na ruah ve nang?
Aa thako na timo a tha lo na tihme?
Kan unau mizo hna cu mu, an chapcarkut longah dawh an i hruk aih i an miphun an hnam an sunloih i an sunloihnak a langhter hna cuh, an thilthuam hmuh in mizo an siti kha a kan hngalhter hna cuh kan nih Chinmi phun cu kan sivelo, kan hmanglo, zungkainak, pumhnak, mihmai dirnak menmen ah kan hman, hi tika chimtikah pumh hi zeiah ka rello a silo, pumhnak thilthruk dingah cun a lianngantuk ka tiduhnak a si deuh, a ruang cu, a sangtuk mi thuam in kan i thuam cun,
Kan thinlung tlang zong a santer chin lengmang ve tihi ka chim duhmi a si....
Ka chimduhnak khi thatein ruat dingah kan duh,phundangah na hmuh lo nak ding ka duh......
Kanmiphun thilthuam tehi cu, kan hman ninghi kan palh tuk cangko rua,
Kan fimluan cang, kan fimtuk nakah Coat ah kan i tuah cio riang mang hna i Zudinsa ei, nak lenvahnak tbk. Ah kan hman hna. kanmi phun thilthuam hmanh zeiah kan reltilo, Kan fimtuk ca ah kan miphun kan tlau telai, a ruang cu, kanmiphun hmelchunhnak le kan miphun he a pehtlai mi thil pei pakhat hnu pakhat in kan thlau chin lengmang i, zeiah kan rello chinleng mang hna cu hiti kan si ruangah Laimi kan tlau lailo titi hlah uh, Kan tlau telai mahti ningin kan kal pengah cun......
Kan tlau hrimhrim telai,
Kan miphun cu Vawlei cungmiphun cazin chungin hlauh kan si tak te ko lai, a poituk, Kan miphun, kan thuam thil, pupa sulhnu, sunloihmi, an sunsak mihna hi, a sunloih zia a hman ziakan thiam a herhtuk...a tukan hman ning hi cu a siin a silo,
Pastor si i Laithuam he Thawngtha chimawk ahmi hmaiah dir cu, zeitin hme kan ngamh hnga ka ti, a ngamhlo kan um hraw fawnlo,
Kan thinlung tlangsanning pei a langhter dih ko hi, kan chimhlan le minih kan nun an kan zohhlan in kan thilhruk nih pei a hngalh ko cu.......
Kan miphun thuamthil hi cu zeikan ti lai, a hmanzia sunsak zia tu cawng ko hna usih, kan miphun kan tlau nak hngalo. Holh long a silo nunphung, thilthuam zongnih miphun a fianter tihi hngal cang hna usih Laimi tampi nih.....
Lai thilthuam hna nih Kedan hna an ser cang khah. Sexy hman thlaknak hna ah an hman cang, Miphun hi, kan thilthuam nih zeibantuk miphun kan siti a langhter, Lai thil, Lai cabia,Lai nunphung hna hi, tlau hram a thawk ka long silo in a tlau cuahmah cang mi a si, Vawlei cung Miphun cazin chung in kan Miphun nin delete a sinak ding hi a naituk cang, Fakpi Lai thil a sunlawi ning le a dawh ning, Kan hmelchunhnak a si nak hi tuak ciammam usihlaw, Kan hman tawn mi pumhnak,vahnak, Zudinnak, Sexy hmanthlak nak ah vialte hna ah hin hmang ti hna hlah usih. Lai milong long, mah miphun thuam a hmanzia thiam lo tu kan si lai tiah ka ruah.
Thingkung a hawng kan hawh ah cun a thingkung a thi tawn, Laimi kan thuam hna hi bantuk kan hman ah cun Kan miphun a thihter tu a si ve lai.
Note: A cung i capar vialte hi pumpak hmuhnak ruahnak an si caah, a palhmi a um ko lai nain kau deuhin khuaruat ko hna usih, kanmiphun le ramcaah.....
By: Salai Cs Thang.
No comments:
Post a Comment