Nawlbia cu zeidah si? Nawlbia cu dawtnak a si!.

Nawlbia zulhti mi cu zeitin a si?
Tuzanah hin zohti hna usih,
Kan Bible nih zeitindah a fianter!
Kan i fiankhawnak dingah tlawm tein zoh kan i tim hnalai, cucaah, thlacam buthinlung hong buin ngeih le rel i zuam cio hna usih tiah sawm kan duh hna....

Biahram thawknak:
Exodus 20:1-17 tiang na relah cun, Pathian nih minung zulhphung ah nawlpek a tuahmi vialte pahra kha nan hmuh khawh lai!
A Bible cacang ka rak tialah cun a sautuk than lai caah, nan mah pumpak cio in rakzoh te ulaw, a siloah zohhau tilo in kan hngalh cia dih a siko caah ka rak tial lai lo exodus 20:1-17 tiang hi cu....
Cun Bible kan rel than lai:

Rom Cakuat 13:8-10 Ahohmanh lei i ba hlah u — nan i batmi cu pakhat le pakhat i dawt lawng kha si ko seh. A minung hawi a dawmi paoh nih cun Nawlbia kha a zulh a si ko. "Nawlbia nih cun, “Va cungin pa i duh hlah, lai nawng hlah, fir hlah, mi thil na mit va thi hlah,” a ti. Hi vialte le hi hlei i a dang a um rihmi nawlbia hna cu, “Na innpa kha nangmah naa dawt bangin va daw,” timi nawlbia ah hin an i fun dih. " A innpa a dawmi nih cun a innpa cungah ṭhat lonak a tuah bal lo. Cucaah Nawlbia tling tein zulh cu dawt hi a si ko.

Nawlbia nih a huammi thil cu hi ka Bible nih fiangein a kan chimh,
Cucu zulh a hartuk kan ti ciohna, nain phun danh deuhin kan chim a siah cun, zulh ning cang a um veko, Kan Bible zongnih nang mah na dawt bantuk in na innpa na dawt lai timi ah hin a fun dih ati, a foinak cun, a tling dih a ti nak khi a siko, cucaah, Nawlbia hi a rak biapi tuk hringhran, zeiah ruatlo in kan um awk a silo,
Fara sipawl nih nawpbia cu an zulh dih nain zei hmanh a silo tiin kan ruah awk asilo, an nih an zulh phung le an zulh ning kha kan zulh ning he kan lawh ter lo tu a biapi, baihat le thinlung tello in hngalh sawh le zulh sawh cu zei an silo, hi kaah Paul nih a chim duh bik mi cu, Dawtnak hi a siko,
Dawtnak zong hi nawlbia a rak si ve,
A ruang cu, nangmah na dawt bantuk in na innpa vadaw timi nih a huam mi cu, dawtnak a si, minung kan mahpum cu a dawlo mi, a sunsak lo mi a ho hmanh kan um cio hna lailo,
Cu tikah, dawtnak tello in kan innpa le kan mah kan i dawt bantuk in va dawt ding cu dawtnak aum lo cun a foi ding a silo, cucaah a chim Nawlbia nih a chim duh bik mi cu, Dawtnak hi a siko, dawtnak tello cun zei hmanh san an tlai lo, cucu, paul nih Rom cakuat chung thiam ah hin, vanmi holhle, vawlei cung thilri, zrizongvial te thiam in ngei dih hmanh usihlaw Dawtnak ka ngeihtung loah cun zeidah ka caah san a tleih tiah a chim, dawtnak tello cun zei hmanh san an tlailo, Nawlbia nih a chim duh bik mi zawng dawtnak siko, Innpa dawt a kan fialmi hi ruat ve hmanh, dawtnak lo cun a sikho lo thil an si caah, fiang chinchin in kan hngalh khawhnak dingah, Nawlbia kong hi Paul nih Rome cakuat ah a nolh i Exodus chung ta kha a rak langh ter than mi a siko....

Kan bia kan fun cang lai,
A donghnak leiah-
A tang cang 8 nak ah dawtnak nih a innpa a fater ballo,cucaah dawtnak hi nawlbia tlamtlin nak a si. tiah a chim chap rih,
A foinak cun
Nawl bia i ahrampi le a dongnak cu Dawtnak hi an rak siko, cucaah,
Dawtnak tello in cun nawlbia zulh cu i timhlah, cun Nawlbia nih fir hlah, lihhlah, Pathian dang bia hlah a timo vialte ah hin dawtnak longlong a tlamtlin tertu a funtom tu a si.
Cucaah, kan innpa kan mah bantuk in dawt khawh ah cun, midang khi cu an hartuk lailo, Cun Pathian hi cu dawlo in kan um kho taktak lailo, a nawl zul lo zongin, kan um ngam lailo,

Zeirello in um le zulh lo in  Nawlbia hi um hrim2 hnahlah usih, kan umah cun Dawtnak zeiah kan relo tinak a silai i, cun zulh kan timhlo ah cun Dawtnak ngeih kan ti timlo tinak zong an si ve lai....nawlbia tling in zulh timi cu Dawtnak ngeih hi a siko,cucaah hihi na zulh loah cun Hell ah kan kal cio te ko hna lai....

A nungmi Pathian bia kan chim mihi, angaitu a reltu nanza pi cungah, Pathian nih thluachuah kan pek piak ko seh. Amen.

Salai Cs Thang