Tutan cu samhrisih, Pathian nih, Nupa siawk ah a khinh ciami te an um ko timi kongkau le,an um lo timi kongkau kan muaiti hna lai, samhrisih cu zeibantuk khi dah an si timi biahal nak hi a um lo kho lo mi a si, cucu, a toinak tein fianhkhawh leh khawh kan i zuam lai....
Keinih cun ka zumh le zumh lo kong cu hnuah ka rak phuante lai, i mitampi nih samhrisih an um ko an tifa tinteah an chim tawnmi an fianhtawn nak Tahchunhnak pakhat cu, ai thei ballo mimung, mahnu mah pa asem ve vawleiah a rak um veti hmanh kan hngalh lo minupa khua dang hmundang ka dangpi ah a rak um mi hna he, a ummi thitumh nak a ngeimi hna khi, Pathian samhrisih cu an si tiin an fianhtawn nak cu a si,
A mak ngai veko ai thei baklo mi hna he ruahlopi in duhnak dawtnak kaakhat hmanh chimtunglo i, Nupa PaThian nih pumkhat siawk Nulepa a Kan sernak tlamtlin ter awkah an i thit umh khin cun Samhrisih tilo awk cu a ttha bak velo ka ti.
Bible tuanbia ah van lutta sihlaw, Isaac A nupi ding ah Robecah kha Pathian nih a rak hualcia mi tiin mitampi nih an chim, cuti a siah cun, kan Bible zong nih samhrisih cu a cohlanko, a umko tikhawh a si hnga!
Aai hmu ballomi ai hngalballo mi Nu Robecah he Pumkhat an rak si, Isaac cu kha kha Pathian nih samhri a sih hna mi an si tiin an chim theu....
Nangtah na zum maw? Samhrisih timi a um na ti maw?
I cung i kan chimmi vialte hna hi, fakdeuh le thuk deuh in kan ruahah cun, cohlan awk tlak ngaingai cu an si ko tiah ka ruah......
Cun an chimthan mi cu Pathian nih kan mah Kopcio dingah a kan pek ciami a um ko tiah an ruahmi pakhat cu, Pathian nih Eden dumah minung a rak serah khan, Adam hoi pumkhat sipi awk ah Pathian nih Eve a rak serpiak khah cucaah, Pathian nih kan caah a chiahciami, a khinh ciami Nu an um ko i samhrisih kan timi cu cubantuk cu an si hna tiah an ti.
Biahal nak a rak um kho țhan mi cu
A siah Zeiruangah dah Tawnglo an um kun ne?timi hi a si,, a hman ngai mi biahalnak tiah ka ruah,
Samhrisih kan ngeihtungah cun, zeiruangah dah, micheu khat khi an tawnne lo, nupi pasal an ngeih ne lo tihi chimchihlo awk a thalo mi a si,
A siah Pathian nih an nih hna khi Samhrisih piakmi hna a rak ngei ve hnalo maw si ne hnga tiah ruahnak a um, cun Pathian nih minung a kan dawt ning hi a tluk dihko caah, an nih cu a dawt hnalo maw sine,a pek hnalo ah cun a dawhna lo kan ti khawh hnga. micheukhat vial a pek hna i samhrisih a tuah hna lioah micheu khat cu a tuah vene lo timi cu kher chuah hlat chuah a har bak mi theory a si hnga.
Samhrisih cu a um ko timi hna nih,
Kan chimbik mi fianhnak ah kan hman deuh bik mi cu hihi an si men lai tiah ka ruah.......
A um na timaw na zum maw a cungbia hna khi na cohlang kho mo?
A tucu A umlo timi nak leihoih in kan kau ve cang hnik lai......
Pathian nih samhrisih mi ticu kan cohlang kho lo, a ruang cu, micheukhat vial samhrisih i micheu khat vial samhrisih tunglo cu, Pathin tuah awk thil a silo tiin an ti, hi asiah cun kan Pathian hi hmantein le dikte le i ruangtein Lai a rello tu Pathian a silai tiah ruahnak a um fawn, hi ruahnak hi a hman kho ngai tiah ka ruah, cheukhat pek i cheukhat pek lo cu a phungah ka ruat velo....
Ai hngal ballo mi hna a thium mi hna khi samhrisih an sitinak siloin,
Minung khuakhan lairelnak i timhnak tu a si deuh, Pathian nih samhri a sihmi cu an si bak lo tiah chim a si fawn.
A siah samhrisih aa um ah cun samhrisih mite an i tawn awk an i duh awk a siko, a duhtuk mi hna,tbt le duhnak ruangah midang vat duhlo caah nunnak a liammi hna khi,
Pathian nih lai a relmi a siah cun cu a vat dingmi pa he khan samhri a sihhna tinak sisehlaw, a siah mah nu maw Asiloah mahpa kha, thiseh law cucu samhrisih cu kan ti khawh lai ma,ho nih dah a tingam lai?
Samhrisih cu aum lo, mah le siaremnak mah le duh thimnak cio in a thium mi a duhmi a dawmi kan si ko tihi cohlan awk cu a siko tiahmi tampi nih an chim fawn.......
Khah nang zeitin biakhiahnak na tuah lai, kei cu samhrisih timi hi ka zumh ko, nain mivial te aa thium mi vialte hna le a duh dawmi vialte hna hi cu samhri a sih dihmi hna an siti cun ka pom lo......hihi keimah pumpak(personally) in ka hmuh ning a si....
Nang zeitin na ruah, hi a cung cavial te na rel dih hin zeitin na zumh deuh nak rak fianh ve tuah.....
By. Salai Cs Thang.
No comments:
Post a Comment