Job 42:7-8 "Bawipa nih Job sinah bia a chim dih tikah, Teman mi Elifaz kha a thawh i “Nangmah le na hawile pahnih cungah ka thin a hung, zeicahtiah ka kong kha nan chim awk hnga bangin ka sal Job nih a chim bantukin nan chim lo. " "Cucaah cawtum pasarih le tuukawng pasarih in i lak hna u law ka sal Job sinah va kal u law nan caah khangh thawinak va pechan u; cun ka sal Job nih thla an campiak hna lai, zeicahtiah ka sal Job nih ka kong ah a dikmi bia a chim bantukin nannih nih nan chim lo ruangah nan hruhnak bantukin nan cungah ka tuah nakhnga lo amah thlacamnak cu ka cohlan lai,” tiah a ti. "
Tutan cu Pathian bia chimthiam pibang Rak chim ve ka duh, ka thin cu a phang pah ziar, a zeisi hmanhah rak chim lo cu ka duh fawn lo,
Cutikah, Bible cang rak i thim in, tlangpi tar mi ngei buin chim ding a si caah, ka tih khun, Bible cang rel riang le tlangpi tarriang manghnuah A silopi hnain rak chim sual ka phang,
Cucaah ralring tein le a toifian khawh chungin i ruah tikhawh kan i zuam hna lai....
Bawipa nih Job sinah bia a chim dih tikah Teman mi Elifaz sinah nang mah le na hoi le sinah ka thin a hung tiah a van chimh ve, cucu zeiruang ah kan ti a siah cun, Pathian bia kha a siningtein le an chim hnga dingbantuk, khan an chim lo caah a si, Nihin nile caan ah nang le keinih tah, Pathian bia hi kan chim hnga dingbantuk inle a sining taktak tein kan chim ve mo?
Kan ruahnak kan hmuhnak bantuk memmen in kan chim sual mo tihi kan mah pumpak kan i hal cio hna a biapi tuk!
Pathian bia kan chimleng mang zongah mi thinlungahrian a Tuan khawh lonak a ruangle a nunkhawh lonak a ruang hi zeidah a silai tiah na ruah ve?
Pathian kan cungah a lungtlin lo caah a siveko hnga lo mo? Elifaz le a hoile sinah Bawipa nih ka thin a hung tiah a chimh i, Job sinah vakal u law cawtum pasarih le tukong pasarih vaken uh cun khanghthoi nak va tuah uh cun Job nih thla an cam piak hnalaii kan ngeihthiam hna lai tiah Pathian nih bia a chimh hna.....
Kan nih zong hibantuk hin Pathian nih a kan chimh leng mang ko nain kan hngalkhawh velo bia, a kan chimhmi kan hngalh lo bia sawhsawh a si ko lai lo ma?
Kan theih ko nain maw kan ngeih duh lo hna bia cu a siko lai dah?
No comments:
Post a Comment