Bawipa dawtnak bia chim ning ka tihah hin keimah minung bia ka rak chimtheu tawn,
Khuaruahhar dawtnak, kongphuan ka timhah hin, minung dawtnak hna hi ka chimtheu tawn.
Bawipa bia chim dingah hin zeitluk ai hlawh lomi dah ka si ti hi Fiangchinchin in Bawipa nih a ka hngalhter tawn, nain Pathian nih cun hitin a ti, Kabia hi a tlingmi nih an chimlo, sualngeihchihnak a ngeimi, le keimah a ka dawtaktak tu nih an chimko tiin, hallelujah...
Ka u le ka nau, ka nulepa hna, tuchunni,le zaan can hna ah hin, nang tah Pathian biachim in na nung maw?
Pathian bia kan chim kan rakti lioah hin mu ule nau minung bia dawh kan rak chimtawn cuh, minung biamenmen hna cu zei an silo, thluachuahdamnak zong nihin nitiangah kan tinco khawhlonak a ruang le kan Thawngtha chimmi hna nih minun a thlenkhawhlonak, Thluachuah a phurhkhawhlo nak a ruang cu mu, kanmah minung bia le duhnak longin kan chim tawn caah a rak siko.....
Zumhnak he kan chim i kan tuahmipoah cu Bawipa nih a hngalh i thlua a chuah ko, tuchan zumtu kan nun can cumu, Pathian lungtawn kan i tim tilo, Pathianlung zawng kan tawng kho tilo, minih Pathian bia Bible a siningtein an chim tik ah, kan si ning he a danah cun, kan dohfawn hna, aw Bible ningtein an chimkomi ah kan nun a kam khen i a kan tawnghah cun, Awka rak palh ko hihtah, Pathian ka hmuh ning ka tanh ning hi a rak palh deuh ko ne hitah tiin nunremh kan i tim lo, dohtu le thangchiat tu kan i tim fawn hna, zumtu nun ning taktak he cun kan i vahlat tuk rihdah mu bantuk mi nung hna hi cu......
Chim kan duh mi hna cu, Minih Thawngtha bia an chimtikah, Bible ningtein an chimko mi nih, na zumtu nun he aidannak, i khah lonak, lamkhat ah kalti kho lo dingin an tawnghah cun, na hmuhning kha remhlaw Bible hnu tu a zulkho deuh mi si i zuam cang muh, zumtu nun cu, a thanglian chin dingmi a si, hngakchia nupaw chungah asem i nikhat hnu nikhat an rak than lenh bantuk khin, zumtu nun zawng a thangcho ding alian ding kan si.,
Cubantuk zumtu nun a siloah cun, a thimi zumtunun na si tinak an rak silai.
Pathian hi palh tanhin tanhkhawh a siti hi kan hngalh a biapi tuk, Paul zawngkha Damascus pawng ah Pathian nih a tawn hlanah khan cun, Palh tanhin Pathian kha a tanh i nain ka tanh ti a hngallo khah, Kha hlan a nun kha Pathian caah rianka tuan ka pumpe tiin dawh a ruah veko khah, zumtu ulenau, Pathian bia minih a siningtei an chimko minih na zumtu nun he danglamnak, i dannak, a ngeihah cun Lunghring lotein zulhkhawh i zuam.
Lamdang deuh ah ka pial ta lai.
Biakarrenh ka duhmi ....
Tuchan cu, fimchan, thiamchan, a sicang, mihrut deuh le, cawnnak ngeilo nih cun Pathian bia chim ngam hmanh a sitilo,
A ngaitu zong nih mifim deuh le a thiam deuh nih an chimmi tilo cu ngeih kan duh tilo, a poituk a poi lawlaw a si, Pathian bia hi fimruang ah le thiamruangah chim ding mi an lo cang, tuchan ah cun a sinain, Cuti ding cu a rak silo, PaThian bia cu mizei poah nih a mah Pathian he chim khawh mi a siko.....
Thlarau thiang tello in cun Pathian bia ka chimti hmanh usihlaw, kan rak chimlo, minung kanmah biamenmen kan rak chim tu a si deuh tawn....
Bible sianginn kumthumnak ka rak kailio ah kan sayapa nih a chimmi ka nun ah ka philhkhawhlo mi le a hmanbak kan sitak ko cang tiah ka ruahmi pakhat cu, hitin a ti...
Tuchan ah cun,Thawngtha chimtu ah,
A thiamlo mi cu kan uar tihna lo,
A chimthiam milong kan uar hna,
Tiah a rak chim a hman bak ka ti, a chim thiam mi long kan uar hna i, a fimtuk a thiam tuk tiin an bia ngeih kan huam, hihi kan sining taktak a siko cang tiah ka ruah, a thiammi long kan uar hna ding an silo, a biapi micu a nungmi, a bia a nungmi, kha a biapi,
Zeitluk hmanhin a chim cu thiam ko hnasehlaw an bia a nunlo ah cun zeisan dah a tlai, mihrutpa le santlailo pa nih a chimmi kha a bia a nun deuhah cun cucu kan duh awk kan uar awk kan tanh awk a si deuh....
Pathian bia cu aw mikip nih an chimcio sihmanhsehlaw Thiangthlarau telo in le a nunlo ah cun kan chim khawhin, a daithan i tiva bang a luang lan ko, san an tlailo......
A bia a pehrih mi cu,
Tuchan ah cun, Even.Pastor,Hna nih hin Laitlang ah, le khua teah thawng
Tha chim nak caan an ngeiti lo
Ramdang an helhnak ah, tiah a rak chim, tuchan kan nun ning bak a si taktak ko khuaruahah cun....
Even.pastors, te hna hi Ramdang mitlong dawh an au cang tak cuh,
Laitlang khuate ah an sawm hnaah cun, ka manh lo e caan ka ngei deuhlo an ti hna i Ramdang nih an sawm cangah cun,ready tuk an si fawn hna,
A si an kal lo ahhme teh, Ramdangah cun Phaisa pei tamtaktak nan rak pek hna cu, khuate lai tlangah cun, 100000 hmanh an pek khawh hna lo caan a um, cucu zeitin an duh khe lai, Ramdang an ratah cun ting 5o, ting 100 he hna pei an tlun cu ai dangtuk cutah, cucaah pei, Laitlangah,even hna an um tilo hi ramdang an mit nih an rak cuanhnak ah an kiangkapteah, thlarau rawl ei a duh tuk mi hna an hrum ainak hmanh an hngalh tilo an hmuhti hna lonak hi a si cu, cucu tuchan kan lairamah chinmi pi nih kan tawn cuahmah mi a si, a hmanbak mi a si..... rumnak mitle phaisa rumro ah PaThian riantu hna kan mit kan au cang, Thlarau kan zohin Pathian duhnak tuah kan i timti lo a phung menmen in even, le pastors cu kan tuan cang hna, Pathian hna kan tla hnga maw! Zumtu ule nau hna,
Phaisatam pihmuhnak ding longah maw a biahi kan chimlai i kan phuan cang nelai,,,: Video holh lettu nih capoah an rak lehmi kha a hmantuk ka ti( mizo nih cun, Pathian thu te hi sumdawnnan kan hmangtawh a niin a lang, a rengreng thu in, poisa hmangkher a pianthar tumhi )ti a si...
Kan lai holh cun PaThian bia zong hi sipuazi, chawlehnak ah kan hmancang ko rua,phaisa long in pianthar i timh zong hi ti khi a va siko i,a hmantuk tiko uh, Pathian bia hna dawh aw Sipuazi, phaisa hmuhnak ah kan hman cang tak cu, phaisa tamdeuh pek nakah cun kan kal thluahmah, phaisa pek awk an neih huaha lonak ah cun kalkan duh tilo i chim an duh tihna lo cu, a poi ko mu,
Pathian rian atuan taktak tu hi chim awk pei kan rak um lo hi......
Mirang pawlnih laimi an kan timi cu, Khuachiatuahnak, pupa chiatserhnak serhle sang hna hi rak ngamhtuk hna hlah uh,
A ruang cu PaThian nan zumngamtak tak tunglo i tiah an rak chim, a hmantuk zeiruangah, dah Thawngtha chimthiam taktak le, Pathian nih a umpi bak ko kan timi hna nih Khuachiatuahmi hmanh an thawlkhawh lo kan ti a siah cun, Pathian pei an zum ngamtaktak lo i an i bochan taktak ngamlo cu, cubantuk kan si caah pei, maw Phaisa le mah miaknak ding a siah cun Even,pastors hmanh nih, kan pialsualnak hi a si cu,
Antamci tia zumh nak hmanh dawh kan ngeih khawh hna lo cu, Laimi Pathian kan zumhnak hi cu, a lemmenmen an si, a phungmen in a biami le a bia achim tu zong kan tam.
Cucaah kan sualnak, kan palhnak hna hinkir cang hna usih, Pathian duhnak longlong in nun khuasak zia, cawng hna usih.
Palhtanh hna in kan tanh vesual maw? Pathian hi!
Pathian nih zumtu kan hrangah, thlua kan chuahpiak sehlaw, thazang thar a kanpe tuah le zumhnak dik he kar a hlangmi kan sikhawhnak dingah, akan cawnpiak tutha ah kan serpiak hram koseh..Amen,
Hica areltu vialte nan dihlak cungah,
Pathian lamhruainak,umpinak le, cawnpiaknak cu nan sinah hmun camcinkoseh.....
Ka van peh than te lai, part|| nak in..
Salai Cs Thang.
No comments:
Post a Comment