MY TESTIMONY

Pathian nih minung a rak kan serah hin kan mah duhthimnak hi a duh bikmi a kan hngahmi a si,
Cucu minung zeipoah nih, duh thimnak mah duh milam zawhnak(right) kan ngei dih hna, cu tikah mi cheukhat nih, a dawhmi lam,
A țha mi lam kha an i thim hna, cu ve bang mi cheu khat nih cun, a muimilam thihnak a simi lam kha kan i thim ve, Pathian nih mivial te hi i tluk i ruangtein a kan dawt dih ko ti hi kan theih fian hlanah cun, mah duh nak poahah a vaimi, Uico, Saram bantuk in a tlawngleng mi minung tampi kan um, kei zong Pathian he kan i tawn hlanah cun, mah duhnak lam poah a zul i a zawhmi ka si tawn.....

Pathian nih hin a rak ak dawtnak hi ka rak hngal kho bak lo.
Kalay sianginn ka rak kai lioah, zaan khat cu, Pathian aw a siko tiah ka ruah i, cu nih cun, mangcang hlang bantuk khin a rak ka tawn i Na kut na ke ah thluachuah nak kan pek lai, rak ka zullaw tiah a rak ka auh,cu bia ka theih cun ka thinlung hi a sualsam i zeiti um awk ka hngallo, nain caan an hun liam lengmang i, cu aw cu ka philhdiam ko, khuaah ka tlung, Hoi le kom he Zuu le saa kan ei, Zuu le sa ka ti cangah cun, Rawl ei hmanh a hngal ti lomi, Zuu dinah cun Rawl ah a rak rinh kho mi ka rak si, khua chungah buainak kan rak tuah, kan khua chung, kan inn chungkhar caah cun, khuachia, ramhuai sual bik ka rak si tawn, cucu ka hngal lokei mah nih cun a thatuk ah ka rak hmuh peng,
Zaankhat cu zuu ka rittuk nakah ka lule taw hmanh hngal loin karak um, kan innah ka raktin i, Inn leng long ka phankho inn chungah ka lutkho tilo ka mit nih khua a hmu tilo, cutik ah ka nu cu,a rak tho zaan tlai X`mas lai hrawngah a si caah khua rak siktuk cu bu cun a rak tho i, a rak ka thawh i inn chungah cun a rak ka hruai, cu ah cun ka nu a siti cu ka hngalh ko nain ka nu cu rak ka tawng hlah, tiin ka rak raak chih, keimah bomtu ah a ra mi ko hna zong kha ka huat hna i ka rem kho hna lo, cu thil vialte cu zuu nih a rak ka tuahter mi longte an rak si hna,
Inn chungah cun, ka rak luat chih, ka luak vialte a rak fimhlawm dih, ihnak kha mei pongah a rak ka tuah piak,
Cuti cun zaan khua dei ka nu nih a rak ka bul i a rak ka ven, a a thaizing ka van i hlau cu meipongah ka rak um ko, cutik ah ka ruat i zeitin dah ka um khawh ti ka hngalkho tilo, kanu cu ka hal i a rak ka chimh dih, cu tikah ka ning a rak zaktuk, ka nuhmai ka khaplo, cu caah, keimahfel in le that i timh in ka rak tim, zarh tlawmpal cu ka rak fel taktak ko, A zei si hmanhah tiin nikhat cu siangin Bible cawn ka rak hauh hna, siang inn kaiah cun ka rak thawh ve, Bible Siang inn cu kan van phan, ka hoipa he cun, kan sianginn ding ka zohah hin ka lung a dong, tlun ka duh nain yangon cun tlun a voilo caah, kan rak um phawt,
May 10 hrawng si rua dah ka ti siangin kan phanh kha, a lintuk fawn,
Kan sianginn cu le a deih deuhnak kawl zongah a deih deuhnak a um hleilo, kha tluk inn Hrin tthan tunglo ah cun Kan rak in khawh i Pathian sinah kan rak pek khawh kha ka khuaruah a har.........

Kan sianginn cu, a vamhi maucik an si, cun cunghi canphio an rak si, caan phio zong cu zaanah hin Arfi le thlapa an langkho dih, ruah arak surah hin ih nak a rak ttha lo, kan tho i a him deuh nak kan rak kawl i cu kaah cun kan rak thu hna, khiang thongfa te mipakhat caah an sermi ah khin pahnih kan rak it mah tluk kawlram nilinhle lumah khin, ihkhun pakaht ca khiangthong pakhat caah khi pahnih kan rak i fonh, zaanah hin, mit chinh caan kan ngei ballo, khiang thong chungah kan um ah cun, tlawmpal te kan him deuh na in a linh kan celh fawnlo, kan taksa tawngh lo awk a tha fawnlo, kan i remlo, kan i sipah, a rak kansehpah, kan tho kan kawlhna, kan thah hna an dih kan ti, kan it kan ti tlawm pal minute 3 hrawngah cun a kan zawnh te men lai ti awk in an rak um than, ziah hme kan ti, khiang thong kan zar lo tung kan ti, zan ah michinh caan hi a ngeihrim kan rak ngei ballo, zinglei fikfa an um ti lo hnuah hin kan nih cu i hngilh hram kan thawk tawk, nazi 9 a rak tlin cun rawl ei a rak si fawn, an rak ka. Thangh fawn, kha lio kha cu kan thi te ko lai hih mitkuh cimlonak in le fikfaseh nan in tibak khi kan ruah khawhmi a si, sianginn cu kan thawk rihlo cu kaw, kan thawk tik cun zing nazi 5 hrawngah kan tho lai vasi kaw, zaanah kan it kho fawnlo i zeitik ah hme mah i hngal loin kan tluk lai i kan thih te hnga ti milong kanruat.
Tlunnak phaisa le kan rak ngeilo, kha lioah khan tlunnak dingah 50000 cu rak ngeisih law, a rak tlung diam hnga cu chimlo, zuu le sa kan dinnak ah suse cawknak 50 hmanh kan rak ngeilo, kha lio ka lungsi vangh ning kha cu chim awk tha lo,
Kan hoi le ding zong cu june 20 hrangah khin cun an rak phan pah ve hna, sianginn thawk ding kha kan rak zeng bik ko, Junly ah sianginn cu kan van thawk hna, minung le kam tam fawn, kan umnak in cu, ka chim cang bangkhan, lam ah alengmi hna zong hihmuh khawh dih an si inn chungin hin, a tuang hi vawlei asirih, kan tak kan i kholh khawh i kan inn chunga kan vanluh hin, kan thil kan inthlennak ah kan kecu na tawlthanhrmhrim khi a hau, ih khin cungah dirin kan thil kan rak i thleng hna,  cu tluk in kan inn tuarnak cu Pathian bia cawn kan rak duh caah a rak siko nain, Pathian he khan kan rak i tawng bakrihlo, nain a caah cun ka rak zuam ngai veko, nain ka zuam nak hna cu ka tisa duhnak nih an teituk caah, zuule sa cu a thlah hrim ka rak thlah hleilo, naina bia cu ka rak cawn veko,

Kan rawl ei cu a chiatkhawh ning hi chimkhawh zong a silo, Bible sianginn ah cun rawl ei a chia dih an ti rak si kaw, hoi dang sianginn cu, nan nih zarhkhat voi zeizat dah sa an ei kan tiah hin voihnih an ti hna a silo zongah, Voikhat kan eiko nain kan nih cu bantuk, a phunphun hna kha a thawmi kha an rak ei hna, cu hmanh cu a chia an rak ti hna, kan nih sianginn cu zarhkhat ah voi 1 sa kan ei kan rak tinmk cu kutpi tiate hi a si laidah, cu hmanh ah cun, Ngasa hia si deuh ngai, a mantlawmbik mi ngasa a thaw lo bik phun a nakpipi khi an rak sirih, kan meh hna hi, chim khawh an sidih, anthur le rawtuai thurkio, ngachauh le thakberecar kio, lubuk, a mah hmanh a sirihlo a hnah, cun ngasa,cun Peni, kazunzuat, a caan ah arti pumhnih cio maw siloah pumkhhat mah hna hi kan rak ei bik mi kan zingzan meh an rak si hna,
Tihang timi a um ballo, Lai leimi kan caah cun tihang lo rawl ei cu hartuk sikaw, tihang lo bakin sianginn kan kai chung cu kan ei hna, kan vuivai deuh caanah, na kan sik, a rak hartuk,
Hoi dang sianginn ah eichia tuk an timi cu a chia ka tibak lo, kan khua kan inlo cioah mah tluk thaw cun nan ei cik hnga maw timi hi ka lungah a rak chuak tawn, kan nih Sianginn kha cu ti awk a thalo, meh minung 100 hrawng cakio nak hin, palangkhat hi zarhkhat hrawng zingzan mehkio a kan deih, chiti a tlawrmi, chiti rim hmanh a nam kho lo, cu ti bak cun rawl kan ei meh kio cu kan ti peng veko nain, mehkio siloin,mehchumh, ti in kio mi khing khi asi.
Kha lio kha rak hrintthan tungloah cun zeitin hme kan rak um khawh i kan rak tuarkhawh hnga timi hi a tu ka ruah than hin ka khuaruah a har.

Ngakțah a rak um miko hna hi ka zang an rak fak, ka hrin tthan lonain kei cu mi cungah hin zeitin kan ti hnga, ka rak tha kan tilai ma, mi zawn ka ruattuk ka tilai dek, cucu mah i fak le i thangthatbsilo in ka rak ngei milung thin a rak si,
Kan nih upa, lungfim,deuh, hna kan caah cun, rawl eipah lo zongah in khawh a rak si deuh, hngakchia cu an si vetilo zingrawl khim te an ei lo cun an cau ko zanleiah cun,
Kan nih cu kan nule pa nih a caan ah phaisa a kan kuat i, kan rawltam deuhah le a caan ah cunmeh zong kan i cawk kho deuh hna, Ngakțah cu an si vetilo, kan ei bantuk bak cu an ei ve
Zing nazi 7 ah awl an ei, sianginn ah an kai colh, zanlei nazi 5 ah rawl an ei than mah ti cun an um hna, zohhna ah hin zang an fak, cerkingkiang tete in an um hna, ka ngeih mi phaisa hi ka rak pek tawn hna, tam ka rak ngei balve fawnlo, ka lungah cun an umtuk nain zeitin ka tuah kho fawn hnalo, kan mah hmanh mihngar, hrawmcar in kan um ve tung, a rak har ko,
Thla hi ka cam tawn, Pathian a rak tthat khawh ning, ka thlacam mi cu a rak ka leh lengmang, Bawipa tu thladih hlan hrimhrim ah phaisa ka herh rak ka pe ka tiah cun a rak ka pek taktak tawn, cucu a ka pek tikah Pathian nih a ka pekti hngalti loin a sin ah lomhnak bia chim ka hmangtilo
Ka ngeihlo ah cun thla cu ka cam than bomh cu ka hal tthan a ka pek vialah Bawipa min auh cu ka hngal ti fawnlo,
Zuu lesa ka ding ka um adih ah ka hal than leng mang.. a tuka ruahhin, Pathian hi zeitluk in dah a rak thatti hi hngalh cang i, ka hmurka nih a tthat
nak chim hi a fianh kho lo....

Sianginn ca kan rak cawn nak in rian kantuan inn kan rak sak hi a tam deuh, riantuan awk a um ah cun, sianginn Class off i rian tuan bak a rak siko, class kan dih hnu zongah zanlei chiarte punghman riantuan a rak si, facang kan rak la, thingkan rak cek, tiluluannak hrawm kan rak thenh,
A thut namtuk ah hin a duk a chiami cale bangah cun, rawl ei khawh a sitilo kan kut sahpiat he kan tawl kan ti zongah a rimhaw an thiang taktak kho tilo,

Cu tluk kan sianginn a chiami cu inn thar sak nak ding phaisa ram dang inn bomhnak kan hmu, kan in sak nak dingah cun, a Foundation hi hlawhfa pakhat hmanh a lalo, kan mah siang hngakchia nih kan cawhdih,
Kan rawl le a chia, riantuan le a tam kan Thazang nih hin, kumkhat chung lo thlawhnak in kan tha a ek kan ba deuh a har kan ti deuh, Bible siangin ka kai hlan ah cun rian zong ka rak tuanngai veko nain ka kai hnuah kan riantuan mi kha a let 100 tluk in a har deuh, nawncek a tu teihinn saknak ah an hmanmi, Cemen,Blackme, Lungdip,hna kan tak nawn, kan rak long dih kan mah nih, teihin Thatthum veve in hnih, ti awk kan sak dih kan mah nih,kum khat chungah, kan kut hi voikhat le bang cu mizei hmanh Ballpen, a tlai kho mi, ca a rak tialkho mi kan rak um lo, kan kutkar in a hnai an chuak, zaan kan ih ah kan kut dongle dong an rak isen, kan van i hlauhah a faktuk kan celhlo, hmachia nih a kan tlun dih bantuk khiba si,
Kan taksa vialte cu kan hngawng tiangin Blackme nih an ei dih i a hnai an khuardih, fihnung bak khi kan rak si, rawl ei zong kan rak ei kho lo, darkio te khi kan kut tein dinte in kan rak tleih i cuti cun duh sahtein rawl rawl ei bang kan rak ei hna, cuti kan si tikah zeiti tuah awk a that tilo caah kan sianginn zong cu zarhkhat chung cu kan rak khar phah.

Kha lioah khan mitampi cu sianginn an i phuak an zaam hna, nain zamlo in ka rak um khawh kha a mak tuk ka ti,
Pathian nih a rak kan inpi caah a rak si hngavkha lio kha, meh hi a tlawmtuk caah an i za ballo ka hoi le hi nain kei cu meh cu ka khim tiang ah ka ei thlu ballo, a thawtlo pinah meh ka rak heh lemlo ka tilai cu, meh an kapek ning in zeitik hmanhah kei mah long in ka ei ballo ti sihlaw ka chimsaul lem hnga lo, ka hoi cu an rawl a zatceu an ei ah cun an meh a dih cang, cutik ah ka meh cu ka pek thantawn hna, a caan ah cun Pathian ka nunnak hi ka lako, Na riantuan tu ka si dingtung lo le na rian ka tuan tungloah cun hitluk harnak tuar cu zeihme santlai, hell ah pei ka kal Thiamthiam ko lai cu tiin thla hi ka cam tawn, Pathian bak hi ka nunnak lak hi ka fial tawn.

Nain Pathian nih ka thlacam nak kha a rak hngalh dih, a rak cinken dih, a rak khon dih khi a rak si,
Kha lioah harnak ka rak tawnmi hna kan rak in mi vialte hna kha, Pathian nih (Training) aa rak kan cawnpiak nak long te an rak si, cun ka siangin kailio ah thla ka rak camtawn mi Pakhat cu Pathian na rianthiang tuan cu ka duh, nainkeimah minung sinak cun ka phak lo, cucaah ka bom na ka bomh lo i na rian katuanlo ding a siah cun rak ka that ko ka thihter ko ti bak hi a rak si, hi lio caan ah hin ka hrin thanrihlo nain ka thlacam tawnnak cu a rak si.
Ka hrin than kho lai i Pathian caah ka nung vete lai timi hi ka ruah chanbak lo, nain thla cu ka cam tawn,a ruang cu Pathian caah hin ka nunkhawh lai kapumpek khawh lai tihi ka ruat ballo,
I hrinthan mi si ding khi ka caah cun, a sikho lomi thilah ka rak ruah.
Ka siangnn inn kaiti lo hnu tiangah hin Pathian he kan i tawngrihlo,
Nain Pathian caah cun ka sikhawh chung cun ka zuam vetawn, zuu le sa kunza, tibantuk muzitseua hi ka rak thlah kho bak hleilo, nainPathian caah cun ka rak zuam ngai ve tawn, hi ka zuamnak nih Minung leikap,minung sinak in Pathian caah hin rak i zuamkhawh cu a rak siko nain, sau an nguh lo tihi a ka hngalhter.
Hrinthan tunglo i, nunhlun kaltak timh le, thlah dih i timh cu a sikho lo mi an si kha fiangte in ka tawnmi thil nih a ka hngalh tawn chih fawn,
Ka rak zuamtuk ve ki cuh Pathian thar tunglo PaThian ca i zuam kan timi cu kanmah calongah a zuammi kan rak si minthat, mi upat kan rak duh ruangmenah a raksi, Nihin ah min that duh ruangmenah, Pathian a biami PaThian caah a zuammi minung tampi kan umrih ko ti hi ka hngalh,
Zuuk huamle, thildang dang hmanh,
An thlah terkho lo tu,zumhnak, hrinthannak ka cona tinak nih cun zeiti hmanh in van an phakpi kho lailo
Thlarau in hrinthan mi nasilongah zungzal nunnak na ngei lai...

Kei zong, ka rak zuam kho tuk vecuh
Kha tluk eichiatnak hmun, a harnak hmun zaanah ih khawh lo tiang hna in ka rak zuam ve, khakha minung sinak in ka rak zuammi longte an si han, a tuah cun kei cu ka dirhmun ka sining fiangtein ka hngal cang i,
Kha tluk in Thlarau tello, Pathian telloin ka rak zuam khawh ah cun Pathian thlarau he cun, kha nak tamchinchin le harchinchin hmanh i ka zuam lai timi hi ka thinlungah a rak um cucu a tuah zong kaa tuah khawh lai timi hi fiangtein ka hngalh.

Pathar,(Born again)timi hi a harmi a rak si hrimhrim lo, Pathian he cun,
Minung zuamnak in hmuh khawhmi a rak silo i,a mah rak cohlan i kan mah minung duhnak kaltak i, amah duhnak tuah hi khamhnak, Hrinthan timi cu a rak siko. Pathian Rianțuan kantimk hi zeipi khi an rak silo, kan mah duhnak rak tuahlo i amah duhnak zulhin nun hi a rak siko PaThian rianțuan timi cu....

Pathian nih, a uk khawhmi
Ka sihlanah ka duh poahin ka rak nuntawn ning khan a nung kho ka sitilo i nun zong ka timti lo kei cu Pathian he zungzal a kommi, a mah lamhruainak tangah, nung dingmi ka si cang, atuah, ma Hrinthan ko nan timi i ruat tuah uh, na nun hlun an kaltak ter kho lotu,le nun thar in an thlengkho lotu ka zumhnak, na hrinthan nak nih hin Vanin nuamah, nunthar in le zungzalnunak min cazin tialnakah ah luhpi kho in an kalpi kho laima, zumtu kanrian cu kaltak nun hi a siko, kan mah duh nak tuah asitilo, PaThian duhnak tuah long kan rian a si awk a si.....

Mah zuamnak men in izuam peng cu zeisullam an rak umlo, ka rak zuamtuk ve ka rakpe tuk veko,nain kha kha Pathian nih a hngallo, a hngalh mi cu ka nunhlun kaltak in a mah ka zulhmi a duhnak tuah ka timh mi hi a hngalhmi a duhmi cu an rak si deuh. Kan rumlo nain kan chungkhar kan i nuam, vawlei sinak tahnak cun misifak bik kan si ko nain van Cung tuah khin cunmi rum kan si ve telai,ti kan hngalh i kan thinlung hi rumnak in a khat.......
Salai Cs thang.