ⓘ Optimized just now
http://chanchinthar.com/mhip-day-puala-mizoram-governor-thuchhuah/
chanchinthar.com
MHIP DAY PUALA MIZORAM GOVERNOR THUCHHUAH
July 6, 2016
Post Views: 315
Mizoram Governor Lt. Gen NIRBHAY SHARMA, PVSM, UYSM, AVSM, VSM (Retd) chuan MHIP pualin hetiang hian thuchhuah siamin duhsakna a hlan;
Mizo Hmeihchhe Insuihkhawm Pawl din champha phak a lo thlen hian Mizoram chhung leh pawn lama Mizo hmeichhia zawng te kei leh ka nupui, Pi Joyatsna Sharma te chuan lawmpuina chibai kan buk che u. Mizo hmeichhia te hian Mizoram, Mizo hnam leh india hmasawn nan thiamna leh theihna in nei a. In finna leh thiamna te ram leh hnam tan hlawk taka hmang zel tur in kan duhsakna sang ber kan hlan a che u.
Mihring hian kan lo pian chhuah atangin Hmangaihna te,khawngaihna te, ngilneihna, dawhtheina leh tuarchhelna te nu atangin kan zir thin a. Hmeichhia te ropuina te leh theihna te hi tunhma lam kha chuan hriat leh lawm a hlawh lo mai thei e. Chuti chung chuan hun kaltawh te han thlir let ta I la mihring chanchin ziahna ah chuan hmeichhe ropui te chanchin kan hmu teuh a ni. Hmeichhia te theihna leh thiamna hi mipa te thiamna aiin a nep chuang lo tih hi kan hriat a, kan pawm tlan a tha in ka hria. Tunlai khawvel ah chuan mipa thawh tur bik emaw hmeichhe thawh chi a awm tawh lova, hmeichia leh mipa ten inelna hmun pakhat, a thiam ber zel dinchhuahna hmunah kan inel ho vek tawh a ni.
Khawvel huap ah hmeichhia ten rorel tawh in khawvel ram ropui leh thil ti thei zawkah te pawh ramhruaitu nihna chelhin dinhmun pawimawh ber ber te an luah mek zel tih kan hre theuh awm e. India ram chhunga mihring tamna ber ber state tam takah khuan Chief Minister dinhmun tunge luah mek tih kan en chuan hruaitu nihna tlin tak tak hmeichhia te an ni. Mizoram chhungah ngei pawh sawrkar hnathawk lian deuh te, sumdawng hlawhtling, Municipal Corporator leh nihna pawimawh tak tak chelhtu bakah zirna sang zawka in elna midang te chunga leng kan hmuh chu Mizo hmeichhia te an ni. Tunhnai mai ah khan Mipa tam tak tih theih loh leh tih ngam loh chonna hmachawn in Mizo nula chhuanawm tak chuan khawvel a tlangsang ber, Mount Everest pawh a lawn chhuak hial a nih kha. Kha kha Mizo hmeichhia te theihna san zia ti langtu ni in ka hria.
MHIP din champha phak pual hian Mizo mipui te hnenah ngenna ka siam duh a – taksa pianphunga awm nem zawk, hmeichhia te chunga hleilenna leh hmeichhia te dahhniamna reng reng hi na taka kan do let zel a ngai a. Hmeichhia te zahawmna humhim tur leh an dinhmun chawikan nan hian tun aia nasa zawk a hma kan lak zel pawh a ngai in ka hria. Hmeichhe zahawmna hi mipa tan pawh zahawmna a ni a, kan hmeichhia te zahawmna kan venghim zo lo a nih chuan mipa pawh kan mualpho a ni tih I hria ang u. Hnam anga zahawmna hi hmeichhia te zahawmna kan humhim leh hmeichhia te chanvo kan humhalh that sak danah a in nghat thui hle a ni.
Mizo khawtlang nun ah hmeichhia te an thlamuang in ka hria a, lawmawm ka ti tak zet a ni. Khawtlang inrelbawlna, kohhran rawngbawlna huang ah leh tlawmngai pawl inrelbawlna ah te kan hmeichhia ten dinhmun pawimawh an luah chho mek zel tih hi hriat a nuam a, hnamdang te mithmuh ah pawh a chhuanawm tak zet a ni. Amaherawh chu tun a kan dinhmun hi a hmeichhia te tana duhthusam a ni chuang lova hei aia nasa zawka chawikan an nih theihna atan leh hma an sawn telh telh nan nasa zawka hmalak kan la mamawh tih min pawmpui thei in ka ring. Mizoram hi hmeichhia te tan hmun him, hmeichhe chunga hleilenna rapthlak tak tak awm ve lohna hmun ah siam I tum ang u.
MHIP hian pawl anga an dinchhan, Mizo hnam hmasawnna leh Mizo hmeichhia te hmasawnna atana hna pawimawh tak tak an hnathawh mek te hi hlawhtlin pui ngei se, khawvel hriat ah Mizo hmeichhia te thiamna leh theihna te hi phochhuak zel se tih hi kei leh ka nupui Jyotsna Sharma chuan kan duh tak zet a ni. Mizo hmeichhia te MHIP Day duhsakna chibai vek u le.
Related
HORTICULTURE-IN THEI/THLAI A SUPPLY TIR DAN CHHUI TURIN CHIEF MINISTER AN NGEN
Post Views: 158 Mizorama nursery neitu ṭhenkhatte chuan, thei leh thlai supply tur thlannaah Horticulture department-a officer ṭhenkhatte’n anmahni leh…
THANGLIANA’N MIZO LALTE CALCUTTA-AH A ZINPUI
Post Views: 558 1873 kum November thla khan Thangliana chuan Mizo lalte Tlabungah a kokhawm a, Mizo lalte chuan khawpui…
FALAM TLAWMNGAI PAWLIN ŢANPUINA CHENG NUAI 7 CHUANG CYMA HNENAH HLAN
Post Views: 205 Chin Relief-Rehabilitation and Community Foundation (CRCDF) Falam atanga lo kalte chuan Mizoramin leimin leh tuilian a tawrh…
2013 HNUAH AIZAWLA DAMDAWI-IN PALIAH ZU KAIHHNAWIH VANGIN MI 1,070 AN THI
Post Views: 167 Mizoram Presbyterian Kohhrana Synod Social Front-in ‘Zuin Mizote min nghawng dan zir chianna’ an buatsaih a bua…
CHIEF MINISTER-IN TLABUNG TUILIAN TUARTE ŢANPUINA TUR LUNGLEI DC HNENAH A HLAN
Post Views: 174 Dt 25.August 2017 khan Chief Minister Pu Lal Thanhawla chuan Mizo Zaimi Inzawmkhawm (MZI) ten CM Relief…
TUMPANG LU INCHUH THU – Familia Fanai Lalţansanga
Post Views: 1,174 Chawngtlaia an awm tawh hnuin Bungzung ramah tumpang chal zet a lut tih hriat a ni a.…
CHAKMA ZIRLAI PAWLIN CM PU LAL THANHAWLA DEM
Post Views: 586 Ram pum huapa Chakma zirlai inzawmkhawm, All India Chakma Students’ Union chuan Mizoram Chief Minister Pu Lal…
TECHNICAL EXAMA TLINGTE COUNSELING NEIHPUI
Post Views: 195 Higher & Technical Education Department Technical Wing chuan Technical Exam a tlingte vawiin khan Counselling a neih…
KA DUHTHLANNA VANG LIAU LIAUA BÀNNA THEHLUT KA NI – BD CHAKMA
Post Views: 852 Minister of state aṭanga báng ta Dr BD Chakma chuan, minister aṭanga bànna chu ama thutlukna vang…
CHAKMA-TE TAN SORKAR LAIPUIIN UT A PEK A HLAUHTHAWNAWM – HAWLA
Post Views: 550 Congress party president Lal Thanhawla, chief minister chuan nimin khan Lungleia Congress Bhavan-a inkhawmah thu sawiin, Chakma-te…
Comments Are Closed
Mobile
No comments:
Post a Comment