CHUNGKHAR PABIK NIH ZUU LE SA EIAH CUN A THIMI CHUNGKHAR AN SIKO!

Chungkhar (Family)kan timi cu
NulePa i fawnhin, Fanau ngeih,
Umti, inn chungkhatah khua a sațimi hna hi kan siko hna.
Cu chungkhar cu a nung mi chungkhar,le aNgamdam mi chungkhar a si awk a si.  A sinain Nihin nicaanah rak chuahpi ka duhmi cu Kan Lai Miphun hna lakah hin a thimi chungkhar hi zeitluk in dah kan tam i an tam hnga,timi hi asi..
Cu aa thimi chungkhar cu, zeibantuk hna chungkhar khidah a thimi chungkhar cuan si kan ti hna, keimah hmuhnak le ruahnak in ka van kau velai....

A thimi chungkhar cu, Chungkharah pabik a simi, nih Zuu lesa a ei i a din ah cun, cu hna chungkhar cu a thimi chungkhar kan tikhawh ko lai dah.
Pa bik nih Zuu a dinah cun, Buainak a chuak zungzal, kedan chiah ning hmanhah, Faktuk in i sik i, ivelhnak a chuakkho, cucu zeiruangah kan ti a siah cun Zuu nih a uk hna caah kan tikhawh kolai.Zuu nih cun lomhnak a duhlo, țhatlonak longte a duh, cucaah an khuaruah mi vialteah khin, țhatnak a Umlo țhatlo nak longte khua an khan zungzal.
Tahchunh dingah, ka hmuhtawn mi pakhat in ka rak chim lai, cucu an mah chungkhar le an min an khua cu ka langhter lailo,
Innchungkhar pakhat hi an um i, an fale a hniangbik hmanhkhi, a tuah cun tang5 a kai cangmi a si, cuhna chungkhar cu, an in chungkhar hi muihnak in a khat dih, ti khawh an siko, a ruang cu an pabik a simi nih, zeitik hmanhah Zu a din zungzal, cuti zuu a dintikah, cun a tinfatinte hi an chungkhar in an buaii, an i sihna, a caanah kan thahhnalai tiin afale le a nupile cu a dawi hna, a caanah, namte in ka that uh a tihna, zeitluk a ngandam lomi chungkhar an siti cu hngalhkhawh an siko, ruat hmanhuh, zuu a dinloah cun a thatukko a dawttuk hna, a nupi a fale zong a dawttuk hna, nain, zuu a van din cangah cun, Hellram, bantuk a vangtuk mimeițil lakah chungkhar cu adirter peng hna bantuk khi a si,
A au khuang,inpa chakthlang theih awkin a au, a caan ah anupi le a fale nih an zaam tak chel, maw ka thin hi hna chungkhar,ka ruahcun, ka mitthli an luang zungzalko, kan inchung hi,
Kan vantha kan tilai ma,zeitin kan tihnga, keimah longhi kan inn chungkharah, zuu a dingtawnmi ka si,
Nain Pathian Dawtnak thawngin Cu zuu cu ka teikhawh hnu cun, kan inn chungkharah, Buainak i siknak a tlawmning hi mithmuh kuttawngh bakin ka hngalh. Ka dinlioah cun kan buaileng mang, keimah nih, buainak ka tuahleng mang,cucu zuu nih a ka tuahter mi a si, cutikah cun a thimi chungkhar, a ngandamlo mi chungkhar, kan rak sive, nain Anung mi chungkhar sikhawhnak dingah, Zuu le sa ka van thlah hnu cun, kan in chungkhar cu, vawlei cung vanram tluk katikhawh ko keinih cun.....

Pabik nih zuu a rak dinah cun, dawtnak a umlo, remnak a umlo,theihthiamnak a umlo, zawnruahnak a umlo,cun Thiltha hrimhrimtuah ai timlo, Zuu kan dinah cun kanmah minung hlun kan silo, Zuu tu kha kan nunah a lal a vanboi i, akan ukdih, vomhliam ahngilhko mi kutin va tawngh bantuk a si zuu kan dinmi cu, kan thinlungah zawnruahnak le dawtnak a umko mi kha Zuu kan din cun kan van hlauh dih, Buainak cu kha kan vanlak ciamman i cutikah, pakhat lepakhat a kan tuahto tikah,afaktuk mi buainak hna kan phan tawn.....

A ngam a dammi chungkhar cu,zoh hmanh uh, Dawtnak remnak, a leng,
Pakhat lepakhat an i daw an tihzah,
An i upat hna, theihthiamnak nih an chungkhar a uk. Cucu zuu an dinloah ah cun,mizei chungkhar paoh nih tuahkhawhmi ngeihkhawh mi a siko,
Nungak tlanval lioah zeitluk hmanh in a dawmi a duhmi zawngkhi, Chungkhar an vanser tikah, Nu nih ma a siloah panih Zuu a dinah cun,an i dawtnak hna kha cu, Zuu nih mithmuh khawhtilonak hmunah a kalpi diamko hna.
Laimi lak, tuchunni tiangah zeitluk, harnak, tawngin chungkhar a dirmi um lai, zingchunzanah a tap zungzalmi a silengmang mi in chungkhar hi zeizat remruam dah kan um lai.Cu bantuk chungkhar cu a thimi chungkhar kan siko hna.

Cucu kan laimi ah hin zeitluk in kantamlai, van tuak cio hmanh uh,
Duhnak le dawtnak, hna hi a man a sungtuk mi an si i,
Chawle va Zuu le sa menmen cun kan teiter awk a silo, duhnak taktak nih cun in khawhnak a ngei i theihthiamnak a ngei, zawnruahnak zong a ngei, cucaah Nungak pawl, le Nutung pawlhna, Dl Zuu dingmi le, Pasal Zuu dingmi a ngeimi hna nih cun, kal tak hna uh, zuu a dingmi he chungkhar ser cu,nun chunghell tlak a duhmi kan siko hna.
Hrialko hna, Zuu a dingmi pa cu,
Zeicaah kanti a siah cun, nan i duhlio, le nan i Date lioah cun,an dawttuk nak ah thih hmanha ngamh veko lai, nain, nan van i umh taktak tikah le nasinak,na sunlawinak, na thianhlimnak an cenpi i nuam an tlawlpi hnu cun, kha an duhnak hna kha cu, an tlau dihlai i, zingchunzaan donglo in na mithli he, na fale na zohhna lai i, ngeihchiat nak in na caan na hmangko lai.
Karlakah telefa an rak um cang hnule bang cun Fale hi Pangeilo dirhmunah an dir a haulai, cucaah, cun khuaruat deuh ko uh lainu salhna, Zuu dingsa eimi menmen cu i hlenter in i suaiter hna hlah uh.Phasa nih chungkhar lomhnak, a chuahpi hrimhrimlo, mirum zuu ding ngeihnak cun Zuu dinglomi misifak na ngeihah khan na hnangam deuh lai i na lomdeuh lai.

Laimi cu kan khuaruah hi amaktuk ka ti
Tlangval kan uarphun hna khi, zuu a dingpahmi, hoihmaiah a hngalmi,
A rum deuh mi longkhi kan uar hna i an pa, an pasal bak kan ti hna.
An siloan siinai sailo, mihrut ruahnak a ngeilo mi an sideuh i a pasal lomi, a palo mi an sideuh.
Khibantuk minung hna nak cun,Biakinn ah Bible ah he a kaltawn i,Zuu dawrah alut lomi hna pakhi uar deuh awk an si i an pa deuh.
Cu hna nih cun an rumlo hmanhah chungkhar nuam an serkhawh,a nungmi chungkhar an serkhawh.
Zuu dinah a caan ahmang sawhsawh menmi nupa cu, an i lomh chung a tawite,an i duhlio an nungak tlanvallio cun,an i nuamtuk kolai, nain chungkhar ser an vantimh i an van serve taktak tikah, cun an in chungkhar ah cun zuu a bawilai, khuachia a bawilai i Zingchunzaan dongloin an nun chung caan vialte cu an hmanlai, ningzahnak in pachak thlang hmaikhah lonak in an khat lai.
Cucu,a minung kha an thatlo a silo,zuutu a tha lomi asi.
Dl nu nih maw,panih, Na ka duh tak cun Zuu dingti hlah chungkhar serpi tiang dingin na ka duh cun ti ulaw, cutikah,a hlauhkho lotu, nupa cu,nangmahan duhnaknak in zuu a duhnak a ngan deuhhi muti hngallaw, kaltak zau cun, na caah lomhnak nganpi na ngeite lai, an duh tak tu nih cun zuu cu a phiat dih ko laimah ti na tuah i a phiat lo a sile an duh nak nak in zuu aduhnak kha a ngan deuhtimi ruahnak kha ngei cawlhko....

Cuticun a ralai mi Future caanah khin a nungmi chungkhar,a ngamdammi chungkhar na serkhawh telai....
A thimi chungkhar sicu duh tilo in a nungmi chungkhar si izuam cio hna usih, A thimi chungkhar ka hmuh lengmang hna ah hinka mithli long silo in ka thinlung tiang an khuai anfale ka zoh hna ah hin.,Nungak dawhdawh, hna an mitthli he fale an zohah chimpit in a ummi, mitthli he zaan khua a deitawnmi tamtuk an um caah cucaah cu lak cun kan luat nak ding cu Zuu dingmi Saei mi Dl Nupi pasal ding tiangah kan duh hna lo i kan ngeih hna lo hi a biapi bik mi an si.....
Note. Hi caka tialnak a ruang cu, a thimi chungkhar hi laimiah kan tamtuk caah, a nung mi chungkhar zeitin dah kan silai i kanser lai timi,ruahnak he ka rak chuahpi mi a si. Cun zeitin dah a nungmi inn chungkhar cu kanser laiti mi he keimah ruahnak le hmuh tawnin ka rak kaumi an si.......

Hi cahi na hoi nupa nih relve sehhngalve sehti na duh ah cun rak share ve.
Hlawknak na ngeihnak lai hi cahi na caah țhat hnemnak a ngeimi capar sihram seh....

By. Salai Cs Thang.