BJP-a Mizoram viltu Dr Hemanta Biswa Sharma, Assam Finance minister ni bawk chuan nimin khan Mizoram BJP pisaah thu sawiin, Mizoram chu India hmarchhak state zinga kawngpui nei chhe ber niin a sawi.
Dr Hemanta Biswa Sharma chuan, "Hmarchhak state zingah Mizoram hi kawng nei chhe ber leh hmasawnna ngaihthah ber a ni a, hlêprûk hmang leh mipuite hmangaih l
Hmarchhak state hrang hrangah Congress party chu mipuiin an hnâwl tawh nia sawiin, "Tun hmaa Manipur road block awm ṭhin leh kawng chhe lutuk nei ṭhin kha BJP sorkar an neih chinah mipui buaina a awm tawh ngai lo. NE state dangte'n hmasawnna ngaihthah an hnâwl mek lai leh mipui náwlpui hmasawnna hi an hlauh ber a ni tih Mizote hian lo hre thar leh turin ka ngen a che u," a ti a; BJP sorkar hnuaia hmarchhak state-a hmasawnnate a sawi lang.
Hemanta Biswa Sharma chuan, mi ṭhenkhatin dâwtin Kristianna behchhanin BJP an bei ṭhin nia sawiin, "BJP hi Hindu party a ni lo. Mi zawng zawng party a ni a, hmasawnna hnathawh leh India tih hmasawn hi a thupui ber a ni. Goa state BJP-ah Kristian BJP MLA leh minister kan nei a, Nagaland, Meghalaya, Manipur-ah pawh Kristian MLA Minister kan nei. Mizo sakhua leh in hnam dan kan zahin kan ngai pawimawh hle a, BJP chuan tute mah thei bik a nei lo," a ti.
No comments:
Post a Comment