MINUTE PAKHAT HMANH KA PHILH LO MI PARKU KA THINLUNG NIH NANG MAH LONG AN DAWT PENG RIHKO!

Part 1.

Thalruah tibang sunglawinak a ngei mi kei thinlung le kan dawt nak hna uai laiphan ah Thinlung mitthli he Cungzing lai relkhuakhang tu sinah Thlacam ka dai ballo.

Zing khat cu ruahlo in, Khuapi an ri, mipi thawngpang le bia chawklet a tam, Cutik ah kei thinlung nih thimmi parku zong, Ramdang a phanh lainak le Apa nih an Chungkhar in a van auh hna cangtik ah an kal caan cu a rak phan cang,Parku te chungkhar thlah ding cun, Chung le khat, hawile kom an tling dih hna! A langtlang tein Parku tein cu ka cuan,Parku liam ding le an runin te a chuahtak ding, antap kam bia ruah umti lailo hna ka ruah cun ka thinlung chung in voikhat hmanh a chuakrih lomi bia le mitthli cu,Ka biang cun ah an rak fuan. Dintein parku, tiin a min ka lam manh khi a voitam tuk caah a relhmanh ka rel kho cawklo!
Nain ka aw in a chuak ngam fawn lo,
Ka thinlung hna cu khuai an si ii,a fektuk mihri in hrenmi bantuk in a cawlkho lo,Parku Khua cuan le a hoi her ka hmuh ah, ka thinlungfah nih ka nun an khuai, Hi tluk duhnak fak le sian lonak hna hi um ti hnga mo tiin ka thinlung ka chonh len.

A kut te zong cu va tleih i damtein mu Parku Pathian tu nih a kan um pi lai i tawnnak caan tha a kan pek than teko lai tiin hnemhnak bia fang tlawm te va chim dingzongah thazang ka ngeilo ralthatnak ka ngeilo,Uifir nih a lung ai hmu an ti tawn bang,kan Chungkhar dirhmun,ka sinak cu midangnak in fiangtuk in ka hngalh fawn tung. Cucaah zeibia cu hen ka cah ngam ve lai tiin,ka thinlung cu a au len.
Ramdang ramtha ah kal ding an si,Khuapi hmunpi,le zeipoah a tlin dih ngawtnak ram nuam ah kal ding a si ti cu mi zeipoah nih khuapi tein kan hngalh cio mi an si fawn cutik ah,chiahrum fanih,lailei tuhmui,Vaituhmui,hreitlung,namtawng i tleih in, pawcawmnak a kawltu fapa le a kawlmi nih cun zeibia zumh awk tlak nak le dawtnak hna cu zeitin va phuan khawh in ngamh lai tiin thinlung uainak nih ka thinlung fah cu a zualter khun!
Biiafang khatte tal cu cah cu ka duh veko,  kan Hngakchiat tein parku he cun a thenballo mi ka chuahpi bantuk in ka dawtmi le ka thinlung dihlak in ka dawt mi a rak si ve caah,ka lungsia a herhkhun nak le ka tleihchan khunnak ka dawt khunnak cu an siko nain cu hmanh cun ka dir ngamhrimlo a sinah cun, Sualnak biachah piak ding bang keimah le keimah cu ka ruat.
Thinlung hmepe cu a rak zual chin,thinlung nih a turh in an ka turh parku kuttleih lo in a liam ding cu ka ruat nain ka ngamh hraw fawnlo,Parku khua hawi le a um tu nih a ka hlam veko ti cu, ka hmuh thiam ko, nain hi tuhmui i tleih ve ding ah,a kut a notuk mi parku le a taksa hna notuk mi mipum nih, a van zulhdawi ding khi ka ruah piak ngamlo, parku nih a ka hlamtuk ka kut tleih in, voikhat te tal ka tang cungah beithan ding khi a ruat ti zong ka hngalhko nain cucu, a thinlung taktak a si lai ka zum kho lo!  A liam hnuah ka thinlung a fahzual khunnak an caan sual hna ka phan caah, parku hmuhkhawhnak ah um dingin ka ral a tha lo.Ram dang a phanh hnu,a mui a dawhchin lai, a taksa, a mipum an i dawh chin lai, cutik ah,cun parku cu duhnung iang ngeikhun in mipi le mirumpipi hna nih an zulhdawi lenlai cutikah, kei lothlo va takrim chia le,zohah vawlei a lo mibantuk tangah a beikhawh tilo ding cu:-)  100% ah 100% in a fiang cia a siko caah,ka lang ngamlo,cun kan dawttuk timi bia le zumh tlaktein rak va um mu timi bia zong ka cah ngamlonak cu a si.
Pacaan ka cuh, nain ka thinlung tu cu a notuk mi, nausem bang a tahhram a fak chin tung, Parku liam ding cu ka siang lo ka siang hrimhrim lo,nain damtein parku timi bia va chimnak ding zongah ka tha zang le ka ralthatnak an tlau dih. Parku zong cu lung sia remlo ngai in, kan khuatlang te cu an chuah tak ve.
An liamnak le ankalnak fingtlang cu catlo in ka cuan,parku ka ngeih cu nikhat hmanh a luan hlan, nazi hmanh a luan hlanah a tello cun a nungkho lo dingbantuk le,nun man ngeilo bantuk i kq ruahnak a zuun ka tuarnak hna cu an fak tuk tiin keimah long ka tap,Parku he kan thut titawnnak tlang hna ka hrawn, Parku long ka Mitthlam ah an cuang, Parku nih  kan dawttuk, Kata Sangsang a rak timi bia le aw an hna cu ka hna thlam ah an rak thang,Ka thinlung parku ka ngeihnak hna cu, a fah lei an panh chin.Ni le thla kum le caan an liam i parku ngeih cu a diam kho hlei lo,
Minute pakhat chungte hmanh ka thinlung chungin philhtak ka siang lo.
Nain parku tawnnak cu,Tidil cung kekal bantuk in a har ti cu ka hngalh fawn, caan tha tu hal in Pathian sin thlacam bel ka dai ballo, ka hmuh khawhlo le, ka sinah a um tilo hmanhah, ka dawtnak le ka thinlungtu cu Parku sinah an hmun rih caah, parku cu ka dawttuk ko rih.
Tawnnak caan tha hal le a caah Pathian thluachuah halpiak cu, chun le zan ka philh khawh lo bantuk in ka philh bal lo.... Cutin>>>

By. Salai Cs Thang.

Ka peh nawlhte lai lungsau in rak ka hngah khawh i zuam hna sih..