Chinmi phun hi zeikan tuah poah ah bia tak chuah in tuan hna usih.

Vawlei cungah rianhrang tuannak le, thlantifim chuahnak in a let in a harmi thilhi tampi an um. Rianhrang tuan cu minung ho poah nih kan nunnak caah kan tuancio awk a si,
Cun Vawlei cungah hin rianhrangtuan lomi le riantuan lomi cu an um theng lailo,an um hmanhah, 100% ah 1% hlei hi an um laiti ka ruatlo, nain kan riantuan ningtu cu a dang cio lai,
Zeitluk mirum zong, Rian cu a tuan hrimhrim ko lai, Cucu Pathian nih kan sinak ding le kan pawcawmnakding a chimmi a si. kan Bible ah Riantuan lomi nih cun ei hlahsehti a siko,cucaah riantuanlo in kan um ah cun eilo kan siko lai,nain riantuan mipoah ei awk an hmu kan ti a siah cun,kan palh kho veko.Saltang mi le a tuanko nain tuan man pek atawng lomi minung tampi an um hna, nain a tuanmi cu pek le hmuh deuh ei deuh hrim cu a si, vawlei cungphung siloin Pathian nih a Eden dum in dantatnak a rak kan pek mi kha, a dongrih lo caah, kan tuanlai i kan ei lai,nain a caan ah cun ei awk ngei lo tiang hnain dir hmunah kan dir caan a tam lai....
Cucu ningzah awk cu a situk lo, tuanko nain ei awk hmuh lo le sifah cu ningzah ding le i thlachiat ding a siruam lo,nain,Tuanlo ruangah kan sifah cun ningzah tuk awk a si hleiah, eilo in kan thih, kanpawtam zongah midang sin zangfahnak hmanh a phut ngamding le a hal ngam ding kan silo.
Tuanlo ah cun, ningzah awk a si.
Vawlei cungphung a silo, riantuanlo in um hi,Riantuan hi kan ning a zah awk a silo i,kan tuanhrimhrim awk tu a si deuh,cun kan tuanman cu kan hmuh hrim hrim awk a si ii, minih an hmuh ciaphaisa kha vawitein le a silo ningtuk in kan chuh hna kan ei piak hna ding a silo.(eihmuar,)kan hman caah laimi,lairam ah eihmuarnak a tambik tiah kawlram chungah an kan ruah, kawl bawchuak hna kan ti a ngaiteah cun, Laimi tu kan rak si deuh, ei hmuar a hmang bik pawlhi laimi chungah kan si duh ngaingai.
Kan umnak kan tuahnak kipah eihmuarnak nak, mihlennak khualong a khangmi minung kan tamtuk rih.mah nih tuan duh tunglo le,tuah duh tungloah,kan tuahmi he a tlak loning in phaisa hmuh cu kan duh tuk fawn hi kan lungthin kan (change) thlen loah cun zeitik hmanhah, hoiram kan dawiphan kho lailo...

Laimi tampi nih riannautat,ningzah kan i hngalh i, a tlangpi in,Hakha,chinram ah,Lamlei rian hna a tuanmi hna hi kawl an si, Laimi chimtlak lo kan si, a ruang cu kan ningzah caah a si.
Kawlpawl nih an tuan,phaisa nikhat ah 8000 atlawm bik an hmuh, thlakhat an hmuh mi cu cozah riantuan cheukhatnak in a tam deuh,
Cucaah i nautat hna hlah usih,tuanko hna usih,Mizo ram kan tluk lonak bik cu an nih mizo hna cu anmah tein an ram caah le an mah caah rian an tuan,lam le sul an ser an tuahtuan hna,cun an cozah zong a tha deuh i kan ramnak cun, an dirhmun a sang deuh tiah ruahkhawh an si lai....a lamkip in an thangcho, thancho timi hi a lamkip in thancho hi dawh a si cuh.
Kan ning a zak laimi cu, riantuan kan i nautat kan sile a fak tung, kan thanchonak dinglam a tlawm tuk rih,hnilepuan, thatak i hruk i, ramdang style nawl cawn hi thancho a tlinglo,Mizo ram cu Aizawl Hospital ah khin hei kal hmanh uh, an Dr. Hna hi an mah mizo mi deuh ngawt an si lai, India mi kala(vaipawl) an umlo, kan nih cu kan chinram kan Halkha khualipi hmanhah Lai Dr. Hmuh awk le chim awk an um loh cuh, ruathmanh usih mah ti kan si  mi hi kan thangcho kan tikho hnga mo?
Fak deuh in khua kan ruah i, Kan cawlcangh a hau cang.
Mizo ramah cun an mah mizo nih thalai,.mino nih rian biatak tein an an tuan i,cawnnak thiamnak lei zongah an i zuam,kan nih Halkha thantlang hna cu. Nuamh duhnak, longah dawh sianginn zong kan kai ko hna hih hiruangah B.A. hman cawk lo le thah cawk lo in an um nain, hmanawk a tlakmi fimthiam nak a ngei mi an um lo hih. Mizoram cu  Y.M.A. KTP.tihna nih fakpiin rian an tuan caah an khua chungle ramkhi a dawh hleiah a nuam, an( standard )a sang deuh tikhawh an si.
Mizoram cu khuate, kan chinram khawte bantuk tete hmanh an khua chung a thianhlim ning khi a kalmipoah nih cun hmuhlo le hngalh lo awk tha lo an si. Cucu, an mah nih biatak tein an i zuam caah a si.
Cawnnak le khuachung thianhlimnak,dinfelnak, lamleiah biatak tein lungfim chuah hna usih.
Zeirian hmanh tuan huam mi kan sihnu longah kan chinram zonghi kan ser siamkhawh hna lai i kan thangcho deuh ve lai a chung um mi hna zong.
Cozah rian a ngeilo mi nih a um mipoah tuan hna usih.
Cozah riantuan zong nih,dekte,feltein riantuan hna usih.
Cawng liomi,(University) Middle Student's vialte zong nih thiam duhnak taktak he cawng hna usih.
Na fimnak le na thiam nak cu na ram caah, na chungkhar caah, fimnak cu a laklo,a asunglawituk, a miak a tamtuk.

Saduh thah tawite le ruah awk ngai ah ka ruahmi ka rak tial....

By.Salai Cs Thang.