Zu ka dinkhin ka minung ka pum cu a thleng lo, nain ka ruahnak ka thinlung
Um Tubel cu a thleng, midang mithar ah khin ka ruahnak hna cu thlen(change) an si, cuti thlen ka sitik
Ah cun misual mihna hnok,milihchim,
Mihlen hmang nun ah ka rak chuah tawn, cun ka minung hawi hna cu hlen hram ka thawktawn.
Zu hi ka dinruangah ka suallo, ka rittikah mi hlennak le micaah harnak pek nak ah ka hmanrikhin keimah he zu he misual kan si cang.
Zu dingmi poah misual ah kan ruahhna ah cun a palh miruahnak ngeitu kan silai, cusin cun an thadih veko kan ti fawnah cun kan palh thanlai, cucaah a buaktlak in kan chim a siah cun, misual nih cun zu le sa mihlen le nuamtawl cu nuam a tilai i a huambik alomhnak bik a silai, nain mitha mi hna nih cun cucu an i nuamhpi kho lailo tiah chim sihlaw kan fiang deuh menlai tiah ka ruah.
2. Biakinn ah pumh kan kalruang menah kan i pumtinak a silo, kan thinlung tu a biapi, kan thinlung apumh lo cun kan minung pum cu voithong tiang zongin i pum hmanhsehlaw a a pummi ka si ti khawh a silo, biakinn kal theng zong pumh a silo, nain biakiin kal i Pathian thangthat khi cu, pumhtiah kan kawhveko hna nain, pumhtaktak cu kan thinlung tu nih a ngeih lai.....
3. zû hi a thaw lo ka tiah cun ka palh lai, a ruang cu keimah pumpak hmanh zû nih a ka tleih cangmi asalah a rak tang cang mi ka si Cutikah a thawtnak cu Chim cawk lo in ka hngalh ve nain zû thawtnak le thildang thawtnak tu cu a dang ve.
Nain zû ding cangmi hrangah cun zû dinlo in um cu a foimi a silo tiah an chimmi tu cu, thazang a uai tuk ko, midang caah ralphun khat bakah a cang, a ruang cu a foi lo tiin an chimtikah ngawl a duh cangmi hna nih ngawl an timh tikah, an i sumkhawh lo deng lio caan hna ah khin, zû din ngawl cu a foilo an ti hme kha tiah thazang an la i an mah le sining kelah an kirthan i zû din an ngawl khawh hnalonak a ruang bik asiti awk ah cohlan tlak mi biaah ka ruah, Zû dinlo hi a har baklo, cunak cun umhar le, ningzah hmanh khi a har deuh tukrihmi an si.
Keimah zong ka ngawl kho, midang caazongah a sikho veko zû nih a chuahpi mi cu Ralthatnak,sualnak,
hurnak,apoilotinak Buainak,
lungkuainak long a chuahpi, san a tlailo mi zu a si zia hi kan hngalh hnu ah cun A din ngawl hna cu a foituk, a Thaizing lufah nak hmanhin a foi deuh zû dinlo cu....
4. Mipui tling, le chungkhar ser awk tlakah na ruah tikah ka ruah philh lo dingmi le na hrelhlo hrimhrim dingmi cu, zû ka ding mo chungkhar ah lomhnak le Thluachuah phurkho tupa Nu ka sikho lai mo timi na ruah i ka tling ko na tihnu longah Nupi Pasal hi ngeih dingah na (ready)timhcia na si ti kha i hngallaw tuah law zulhkhawh i zuam mi fanu dawt le Fapa Dawt nih nangmah bochan in le nang mah rinchan in an in dawi tikah a lungna fahter tuk sual cun, na thluachuah hmuhding vialte midang sinah an pemdih lai.
Minu lepa nih an fale Dawte le nuamte,thlum altein le Zaan mitkuh cimte in an dihter ko mi hna nang nih na sinah rading in na thlem lemsoi hna tikah le na sinah an rattikah, an mitthli na tlakter i zaan mitkuh cin lo in na um ter ah cun, na tuhbang na zun veko lai cucu Pathian biakam a si ko caah raltha ngai in ka van chim..
5. Mankong, laimi Nu an man a fahning hi michia deuh hrangah cun lainu thitngam an silo, an man hleiah puaituahnak, nain hiti ka chimtikah kan zaapi in kan sidih ka tilo, A tlangpi a buaktlak in mizo le tidim lei hi an man a tlawm tiah ka hmuh,nain hiti a tlawm ka tirungah: ka upat hna a silo ka upat nak hna a ruang cu,a hlanlio Pupa nun ning le zulhphung lainun phung an zulh caah a si ka ti,
A hlanah siapi pakhatah 200 a rak si,
Cucu nu man ah a tuchun ni tiangah an hauh mi a si,a hlan ah siapi man cu a tu zongah siapi man a siko an ti,
Mizo zong bantuk deng mang cun nu hna an man hi chim a tlaklo, kawlram phaisa zongin,a 10000 hmanh a tlinglo, a ruang cu lai nunphung le sining an zulh an tihzah caah a si tiah ka upat ngaingai hna, kan nih Halkha, thantlang, lei mi hna cu Kan fanu le Hna a zuarmi hna kan lo, ting nga tingruk leng hnuah puai tuah a sirih Michia hna nih Nupi thit ngam lo dingin kan nun ning nih a kan thlen,
Laimi kan hakkauhnak a langchin tiah ka ruah. Hi ruangah Tlik a tam i i fir a tamnak hi a si cu,mino hna an tlik nak ruang bik cu i thit umh hi a hautak tuk, caah mitampi nih an tuah kho lo an ngeihchiah nih a phaklo tikah kan tlik kan zaam an zaamnak hi a sitiah mizei poah nih al awk um lo in kan co hlan awk a sitih ka ruah..
Note: siaherh lung um bia pumpak muhnak ruahnak, theih hngalh hmuhtawn chungin chim mi a si caah, a palh nak zawn le nia dawh lo nak a um sualah cun nan ngeihthiamnak le theihthiamnak kan hal hna..
Ka lom!
Catialtu : Salai Cs Thang
No comments:
Post a Comment