Zuu hi kan doh awk a simaw?

Zuu hi kan doh awk a simaw?

Zuu zuar hi kan huat ii kan zohtak fawn, a dingtu tah kan dohkun maw? Kan ruahning kan thlen cang a herh. Zeiruangah dah zuu zuar cu kan huat hna hi zeiah kan relhna lo laimi tam deuh nih,  Zuu hi khoika hmun hmanhah khap taktak khawh a silo, a Company a hmun chung cu a um zungzal ding a si. a sinain a um zawngah minung zapi nih cawkkhawh lo dingdin khawh lo dingin cun tuah khawh a si. cu ti kan tuah longah kan lairam kan khuacio ah zuu dingsa ei an tlawm lai. cucu zeiitn dah kan tuahlai? Zuu cawknak Lisence kan tuahter hna lai, kum 18,19,20 acunglei long nih cawk khawh dingin zuu cawk a duhmi cu Driving Lisence bantuk in kan tuahter khawh an si. cucu Mizo ramzawngah an tuah mi a si. Kan van a thatnak cu Hakha Thantlang cu Zurei, Zuuchuanmi a um tuk lo cawk awk a um lo, company sermi long te an si hna ca ah hithil hi a tuah a fawi te lai. Phaisa liamin a Cozah nih a cawk khawhnak lisence tuahnak On hna seh tuahhna sehlaw, Zuu cawk a duh minih cun an tuah lai, cun a cheukhat cu an tuah duhlai lo an tuahlo ah cun Zuu an cawkho lailo, an cawk khawh lo ah cun an dingkho tuk lailo an cawk duh zawngah an hawi nu maw pa cawknak lisence a ngeimi kha an hei fial a herh hnga. Cutikah an duhtik poah ah mitam deuhnih cun an caw kho lailo ii Lairam Zuu ding le Sa ei cu 100% ah 40% tal cu a tlawmbik an tum hrimhrim lai. Cun Nungak zuu ding cheukhat le, Tlangval a thliin a dingtawn mi hna nih cun Lisence an tuah ngamlailo I cawkho lo in an um lai.kan mino a rak thangcho hna dingmi ca tiangah thathnemnak tampi a ngeih hnga. Zuu dawr ah Lisence lo in zuu an cawkter hna a siah cun Zuu zuartu kha dantaknak fakpi in a zizuu hna sehlaw, phunglam kha thein dirpi hnaseh cuti kan cozah or mipi nih kan tuahkhawh a si ah cun kan Chinram hi 100% chungah 40% tal hin cun Zuu dingmi kan tlawm deuh canglai tihi a fiang.

A hlei in kum tlinglo hngakchia nih zuu an dinmi hi kan ven kan kham awk a si.Hmai lei ah ramhruaitu dingan sitikah hi tining an kal pengko ah cun Bochan awk an tlak kho te lailo. Zuu nih minung a kan hrawhnak hi Cawnpiaknak tampi um kho seh.

Hi thil tuahkhawhnak dingah hin a cozah nih an tuah khawh lo hmanhah Hakha Khuanu Khuapa,Thantlang Khuanu Khuapa le Mino nih khan ifonh in tuanvo la hnaseh law an tuah khawh hrimhrim lai. a sinain acozah theihpinak kha thatein hei halhnasehlaw, cuti cun zuu din kong le sa ei cawk kongah hin Phunglam fek deuh in ser hnasehlaw, cu phung lam a zullo mi le a tuahlomi cu dantaknak kha theihthiamnak umlo in a ho kan cung hmanhah tuah cio hnasehlaw, kan miphun thnachonak le kan dinfelnak lam nganpi a on chinleng mang ko lai. Mino Thazang Chin Youth Organization hi a tha zang a thawn dingbangin a thawn lo tuk ca ah hibantuk hmanh hi an tuan khawh lo hi a si lai tiah ka ruah. Cucu zeiruangah dah an thawn lo tiah ruah ning cun kan ram a thatrihlo ruangah a siko.  Acozah he fek deuhin an I pehtlaih ii a cozah nih nawlngaihnak a pek deuh hna cu a herh ngai ko tiah ka ruah.

Note : A cung lei ca bia hna hi catialtu sa duh thah le Pumpak hmuhnak men an si. ho hmanh hnursuan mi an umlo.