“ Zumhnak ruangah nunnak a chanhtu ” Milianngan tuanbia

Dietrich Bonhoeffer ( 1906-1945)

“  Zumhnak ruangah nunnak a chanhtu ” Milianngan tuanbia

         

          Dietrich Bonhoeffer hi  a chuahnak chungkhar hrimin Cathiam si awk cu a si.Chungkhar thatak chungin a rak chuaki berlin University in theology ah Doctorate Degree a lak.Luther kawhhranmi siin berlin ah kumtampi cawnpiaktu rian a tuan.Bacelona ah kawhhran zohkhenh ning acawngi united stated ah a cawnnak cu a rak peh zulh. Cambridge ah World Alliance for promting international Friendship conference an ngeihnakzawngah a raktel.cu nih cuna thilhmuh ning kha fakpi in ruahnaj a pek. Germany le Central Europe mino hna secretary a tuan. Hi chungah hin cawnpiak nak hmanlo dohnak kongah cawnpiaknak fakpi in a rak ngeitawn.Germany ram kawhhranmi hna nih cun Judah mi hna cu an suasam hna ii Khrih kha an hlawt titian hna in an ti.

          Kum 1933 thawkin hitler uknak cu a doh ii Judah miphunna neknak le an hramhnanak cu fakpiin a diklo tiah a aupi. Hitler pawl Nazism duhlo pawl Confessing Church ah members zawng a si ve. Confessing hna nih an tuahmi Sianginn ah cawnpiaktu zawng a si. an sianginn cu Nazi pawl nih an kharpiak hna. A sinain a thlitein a tuahthimthiam.

          Kum 1939 in New York ii Unioun theological seminary ah lecture rian a tuan. Ralpi II nak lio ah khan um beh dingin zangfah an rak nawl. A sinain ralpi II nak lio ii Germon mipi hna riantuan piak awk ah a tlungthiamthiam.

          Kum 1940 ah khan Nazi pawl nih cun a phungchim cu an khappiak a makpa nih Ralkap rian Military Intelligence (abwehr)  a hmuhpiak. Cu rian cu pehtlai in a khualtlawn pah cun Pathian bia cu a chim pahtawn. Cu rian a tuanpah cun Hitler thlak khawhnak dinglam cu a kawl pengrih. A mah lei tang awk ah British cozah cu a sawm ii an duh lo. Hitler thlak a timhnak kong cu a hnu ah theih a si ii. A hawi le hen kum 1943 April thla ah khan thawngchungah an rakthlak hna. Berlin – tegel Military lunginn chungah thla 18 a tla. Kum 1944 ah khan Berlin thiam ii Gestapo thawnginn ah an rak thial. Kum 1945 February thla ah khan Buchenwald Concentration camp a an thlak than a si ii April ah Flossenburg Camp ah an thial than. A mah le midang panga hna cu thah awk ah an biakhiah piak an si.Cu ti cun kum 1945 April 9 ah khan hri in an rak thah hna.

A Cauk tialmi pa hnih “ the Cost of discipleship” timi le “ Life Together” timi hna cu S.Africa le Latin America ram ah Human Rights buaipi hna fakpi in a forhfial hna. Zangfahnak mantlawm cu a tlo ii simnak tello,Sualpuannak tello  Ngaihthiamnak nun cawnpiak hi a si tiah a ti. Vawlei zoh nak in cun midang hna hmuhning kha an zohtawn ii Bawipa tu nih cun thinlungtu a zoh tawn tiin a chim tawn.