Thinlungtaksa thlarauah zingchunzan in rawl a ka petawn tu ka nu cu a caah ruahchan mikhi an tlawm canglai, nain a caah thinlungfahnak pek ka sianglo, thlantifimle thisen tampi luanh in a hrinmi ka sihi, sual ka phaw lo i, ka nu cungah zeihmanh sualphawtnak ka ngei lo, A thazang um ek in ka hrangah nilin ruahsur hmanh pelh loin ka caah rianhrang, mituan duhlo mi hna cu lakin, a tuantawn, ka nu dawtnak tluk in a sangmi dawtnak cu Jesuh dawtnak longlong hi a silai, jesuh dawtnak chimloah cun zeidawtnak hmanh nih ka nu dawtnak cu an phaklo, nain a tucu ka nucu a mah hmanh rawl eikho lo in a hrum ai cang, a thazang an der i a thazang nih dirnak dingah thawnnak a ngeitilo i an tiantak cang,
Nain kei nih cun ka nu hi second pakhat kal tak hmanh ka sianglo,
Kanu cu ka nu a siko,
Hoi hmuhnak ah cun a tlinglo le mihrut chambau,sifak sihmanhsehlaw kei ka caah cun, mifim mirum, a tlingbik mi ka nu a siko.
Chan ai thlengin minung hi voithongkhat tiang zong hrinthan,chuak thanding sihmanh usihlaw ka nusin ka nu chungchuak thiamthiam hi a voithongtampi tiangin ka thimko lai,
Vanruahti le thlizil bang a ka cawmtu
Nuvialte lakah a lianngan bikmi kanu ka caah, thluachuah phurtu na si...
Ka peh nawlh telai
No comments:
Post a Comment