Dawtmi,
Hi vawlei, nun an kuainak,
Thinlung an vaivuannak vulei ah
Hin, keibang thinhnemtu, Dawtu Dawtmi hi!
ka tawnrih lai na ti si cun na palh,
Caan khat lio caan-
Mitthli vanruah tibang Kaphnih theihthiamnak le muihmuh caan lomhnak ah Biangsen cungin a rak luang mi mitthli hna kha!
Palh sualruang le, huatnak ruang
Zeihmanh a silo, kha mitthli vanruah surkhawhnak dingah, a tihnar cu dawt mi nang le kei kan thinlung chungah a um mi duhnak thinlung,
Dawtnak le tleihchannak in a khat mi thinlung an rak si tikha, cungtthu lairel Pathian hmanh nih a kan hngalh pi ko hnga!
Nain minu,kan țian, Kan tian lan ko ne laima!
Kha duhnak le dawtnak thinlung he thinlung nausem kan sermi kha,
Hrinta țungin, Nuhnuk thlum le dawtnak thinlung he zohkhenh, comta loin mo! Kan hrial ko lai!
Nunu anen notuk rihmi,duhnak thinlungnau sem, a duhnak, a himnak dinghmun hmanh a hngalrihlo mi,aa himnak dingah midisatlap hmanah a dor kho rihlo mi,inleng hmanhah a kaikho rihlo mi,, semter long a sirih mi duhnak thinlung chungah fasem kan sertimi cu kaltak in mo kan hlauh ne lai.
Hi kan sermi nausem, sualnak palhnak, chiattha, hmanh a hngalrih lomi nausem hnuk thlum dinh mi ttang nemah pommi cu lak kanh in kan hrilh ta ko lai....thinlung nih cohlan thiam har tuk lo mo?
Nunu ninikhatah cun, nang le kei kan lomhnak ruangah kan i hmuh ngeihtuk nak ah a luangtawn mi mitthli nak letsawm 100 fak deuh in kan i ngeihnak,kan i hlamnak sualphawtnak mitthli hi kapkhat le kapkhat ah fak chin in a luang telai,
Cutikah, a zualhma tukmi,thinlung cancer bang a fak cangmi hmape hna hi kan damh kho te lailo! Ruahchan mi an um kho lo, Agape dawtnak hmanh nih khi tikah a damh kho ti hnga lo!
Nile caan, kumle thla an liam caan a sauhlan, a tlai hlanah, Dawtnak riahhrun kan sertinak, duhnak thinlung nausem kan rak serținak hmun thinlungah hmun khat in i fum than rihsih ninu liam hlan ah dawt mi!
By: Salai Cs Thang
No comments:
Post a Comment