A thleng lengmang mi ni thla le caan hna nih an hun i thlengin caan tha le lomh nak zawng tampi a rak tharpi than tawn cu bangin ngeihchiat nak mitthli kham cawk lo hna a rak phurh ve tawn, cu bang tinga hring dawi lio caan kha ka ngai riang mang rih lai, ka dawtte he kan mirhti caan hna kha,
Aa tu thal caan nih rak thar chuah than ai, ka thinlung ne ah ka rak uam mi hna cu, a tu a cung leiah an rak vuan ii, ka hngallo, ka ngai lo ti awk tha lo in, ka mitthli ka thinlung nih hlam lo in a um kho lo ka dawt te kha....
Thal khuapau mei thang an zam, tlangtin cul fiakfai rawk nih, zai hla in rak hlawi than cang, thalcan a chuak cangti nga hring dawi a za cang tiin a rak hram tawn,in thlangrirang kung le bungkung cung in, khuafing an cah cun, ka dawtte tho cang tuah ti phun in aaw dawh te he cun rak hram kaw, cu vialah cun kan zan mang hmanh kan philh tawn, a jeee thawh ka hnnu tuk cang ko hi ta hoi le cu fingle tlang an lam dih cang ko lai hi ta tiin, pa tling cu a van i hlau ii, nazi a van zoh cun 8:00am aa rak si cang ai, rian rangin a angki le bawngbi a van i thleng zawk zawk ii, muallai leiah cun zing rawl hmanh ei ta lo in a chawi colh ve, a ruang cu patling nih a mitsir thlitein a rak ven mi mangku a kal ve lai ti a hngalh caah tuni mah ti rum
Roin kal tak aphan le rawl hman ei ta manh lo in a hnawk nak hi a si....
Mual lai ah cun Mai le Salai tampi hna cu an rak chuak cang hna, mangku khua zoh le mit au ah kawl mi a ngei ti cu a fiang tuk mi a si a ruang cu mangku hi bantuk in ni dangah a um ballo mi a si caah a si,
Salai dang vialte an rak chuak dih cang fawn hna, patling bel a bau ai cang ti a hngalh pa tling cu a mitsir tein a rak ven ve mi Salai a rak si, a um khua a nuam lo a hoi le cheu khat hna sinah kan tling cang hna maw pa tling hi ka hmu lo e tu zing hi, nan rak hmu ma tiin pakhat hnu pakhat in a hal hna, nain an lehnak cu kan hmu lo ti mi long a si....
Kan kal cang lai tiin an van au tiangah khin patling muithlam a leng rihlo, lungsia herh bute khin mangku cu hmailei a panh ziah mah i, tio tiva kuang lei ah cun a zuang thluah mah ve, mangku lungkil ah cun hitin, patling tello ah cun kei cu zeitin hme ka nuamh lai, ka kir ko lai ti hna a ruat nain a thawh cangmi sunh nawrh nak dang kawl i i let than cu a ngamh fawn lo, thinlung ngeihchia tein tio tiva pi cu a va fuh thluah mah ve,
Mangku cu ni dang a lo lo an chonh mi long a leh hna ii, holh thiam lo, mah duh chim thiam lo mi lo khi a lo, hoi hmai zawngah kal duh lo in hoi hnu leiah a zel ii, an kal nak cia zalam te cu hnu lei chit in a her lengmang nain, patling mui thlam cu a de hrimlo,
Lamsau nawn an kal hnuah khin, mangku cu a ngeih chiat tuk ah a thinlungmi thli nih a tak ram rak cul kaw, hoi le nih hmuh phan ah mithman naak pi a benh chih, cu ti cun lamchuk leiah cun a mitthli he azuang ziah mah, lio ah khin a hnu lei in, Aw pakhat nih, mangku mangku tiin auh thawng a van theih nain a zoh duh lo a ruang cu a ruahchannak nih a lung an khuai dih cang caah a si, a voihnih nak ah mangku tiah auh thawng a van theih than ii, patling a si ti cu a zoh hlan in fiaktein a hngalh a ruang cu a hna hramte in aw nemte in a van auh caah a si, mangku hnu lei a van i her ah khin patling nih a ziah ngeihchia in hlah ma na tah, hoi dang vial khi an au khuan hna khi tah, tiin a van ti colh, mangku nih cun a si men lai, nangmah kan rak ngeih caah ka rak in hlam i ka rak tap ko hih tiin capo bia tak in a vanleh....
Patling nih cun si hnga ma, veite ruangah khan si lailo ma tiin a van ti mangku nih cun um ko patling veite cu ho dah si i a ti pahkhin a liangah a hei bengh pah, cu le tlawm palah an hoi nu pakhat nih a hiii, patling na ram i thawh ve tih, a van ti i a van au colh ah khin an hoi le vial te an rak i her dih ii, an kut an hei bengh dih hna, immmmm, patling na rat cu tha tuk veimu na rat hlan na kan phak hlan kha cu mangku nih an hlam nak le an kawlnak ah a ka le mit hna an fak dih lo long khi si an va ti, a khin mangku cu zingzak pah nawn khin bia nan hei thiam a ti hna ii khat lei a hoih tak hna, cun kawi ceu nih a van i thawh ii patling na rat hlan le na kan phak hlan cu mangku hi kan chon ngambak lo a hmai a chia tuk, nain a tu na rak phak hnu cu zoh hmanh a hmai a panh khawh ning hi khuaruah har si avan ti vial ah khin mangku cu daiko kawi ceu na cei sual lai ti pah in le a si zawngah, zei ka nuamh cu na duh lo dara ti phun khin a van ti cu kawi ceu cu daikhup in a kal than...
Tiokuang an van phak cun patling le mangku cu hmunkhatah an dawi ti, tamnawn an hei tleih hnu ah khin, mangku nih u tling ka hna di tuk i din ta ko sih, kan hoi le zawng an i din ve ko lai cuh a van ti, patling nih cun e law a van ti, lungpi cungah cun an thu an pahnih cun, mangku khua zaza a ruat, patling zawng cu ve bang, patling nih kan duh timi bia khi hei phuang ning a ti ah a ning a tih pah, mangku nih le u tling na ka duh lo ma kan duh tuk hei ti hmasak ding a ngamh ve fawn lo, mangku nih le kan duh timi ka khat tein zeitikah hme u tling nih arak ka chimh hnga tiin ruah channak he a hngah nak cu sau cang kaw, a thei bal fawn lo,
Sau ngai an thut hnuah, ruah lo piin thli a rak hrang i, mangku mit chungah hnawm a rak lut ai, mangku nih cun u tling ka mit ah hnawm a lut rak ka lak piak tuah tiah a van fial mi dang fial awk le an um fawn lo an pahnih long an si fawn, patling nih ka van lak lai a tii a van i timh ah khin a ning a zak pah a ruang cu mangku mah tluk a dawh mi le mahtluk in a lar vemi hmai tawnh in a heizoh i a mit hnawm lak piak cu a thisem hna reu dih atim bantuk in a um,......mangku nih u tling rak ti zawk hen, a van ti cang,cu vial ah pa tling nih mit chinh kanseh in mangku mit cunglei te cu a van kau ii, a van lak piak, hmai tawnh in mangku cu a dawh chinchin ii,patling thinlung cu a tur in an tur, a thinlung nih mi ralchia pa mah tluk caan tha le a hmur le na hmur tawnter nak caan tha hi na ngeih ti tung lai lo ti hna sehlaw a lo, patling nih mangku cawllo tein a chit ko i a thu i a mit a chinh ko mi a hmuh ah cun, a hmulthi an kai ti awk a si ko nain, a zei si poah ah tiin, ralthat i cuh in, Mangku hmur no te ah cun patling nih a hmur a van tawnter zawngah khin mangku cu a lau ruamlo, a ruang cu patling nih bantuk in ka neih sehlaw kan duh tuk timi bia rak ka chimseh ti a duh tuk caah a zei poi lo, sau nawn an hmur an tawn ter hnu ah, an hawi le au khuan thawng a rak thang ii an dawnghter ve, mangku cu a thinlung hi lomhnak in a khat cang, pa tling zawng cu mangku nih a rak dawh ve ko caah a lung a hmui khun ii, a thlitein khin a mirh thluahmah ve.....
Patling nih mangku cu a tang cungah a van pom, mangku zawng nih hna ngamngai in a hei bei ve, zeibia hmanh an chimveve lo, patling nih kan duh tuk timi bia van chim a timh ah khin a ngamh hhrim lo, sau ial an thut hnu ah an hoi le an rak phan ii, an tleihmi hna cu an van fawnh cio hna ii, chuncaw rawl mehah an van chuan hna,.....mangku le patling cu an mitsir tekhin an i zoh tawn ii an thinlung chung te khin an mirh ve ve tawn....
Zan lei ni a hun tlai pah cang caah, in lei ah tlun an van i tim pah cang hna,
An hei i manh in khua lei panhin an hei tlung hna ii, mangku cu lamcho sang a kai caah a tha a di tuk ii, u tling ka tha dih tuk e a ti leng mang, a hmai an sen dih, a dawh a zual insum khawh lo cun a hmai ah seh hi a fawite, cu ti cun an kal leng mang i mangku cu a celh ti lo caah patling liang cungah kut chuan in a tleih i a kal, an hoi le mi dang zawng an rak si ve hna an tha a dih cio, pa tling nih chon hua ha loin a liang cu a tleih ter veko, mangku cu a mawh hrim lo a theih duh tuk mi a theih lo le a lungngeih pinah le a lam cho he a mawh lo, hawinak in a tha dihawk cu a rak si ko......
Cuti cun an hei kal lengmang ii, in an van phak ah khin, pafa hmelpalh nak tlai deuh te ah khin a si, an mah le in cio ah an hei tlung hna, cu ti cun mangku cu pa tling nih kan duh timi bia chim ta loin a ih ter than.....
Pa tling cu a zanah khua za a ruat, thaizan cu ka chim hrimhrim lai tiin a lung a khiak.....
Thinlin le thindomhin zankhua cu a van dei,
A cei pah caah pa tling cu tuan ah a tho kho lo ii, nazi pakua ah khin a hei tho, a zan mang a chia, a thawh ning a hman lo ii a um tu a dang deuh khin a hngalh, rawl a van i ei ta i a di khawh cun Kawi ceu tein lei a panh, Kawi ceu zawng cu ngeih chia femfuam pi khin a rak um ve,pa tling nih cun kawi ceu na mang hlah ma tha velo, na hmur nai tum ii cu ti na um ve a hei ti, kawi ceu nih cun patling cu kawi tling veimu veimu a van ti ah khin a mitthli an hun tla, i a dang a khar, kawi ceu zeidah cang a vanti vial ah khin, kawi tling nizan i ngahring kan dawi mi le kan kal mi kha, mangku rak thlahnak ah pei a rak si ko cu, mah tluk rumro khan mangku a rak i nuamh lo le a ngeih a chia kan rak ti kha, a rak mawh hrim lo ta, mah tluk khan an duh an dawt ii a mitsir in an ven ti cu kan rual hoi nih kan hngalh ko nain nang nih le na duhnak bia ka khat hmanh na chim fawn lo, van ruat ve ngat an liam tak ding le nang mah le hoi le he zungzal i then ding a ruah ah cun zeitin hme a rak nuamh khawh khe lai a van ti,cun kawi tling mah cakuat te hi rak ka pek piak te an tii a hei ii avan pek, kawi ceu le pa tling cu unau chuak khat bantuk in a zoh mi an si caah, kawi ceu ih khun ah a hei kai colh ii, mangku cakuat te cu a hei kau........
Dear,
ka dawt bikmi ka ța Patling,
Ka liam lungsia a remkho hrimlo,
Nang mah in kal tak ding le nangmah in hmuh khawh lo nak ramah ka liam ding cu kai nawl kho hrimlo, nangmah sinin le ka ruah chanmi bia hna ka theih lo tikah ka thinlung um tu ning ding cu ka ruah piak ve law,hi lam hi ka zawh a herh caah ka thimmi a si....
U tling na velhle ka khat te zongkhin mu, kan duh tuk kan dawt tuk heiti law cu zungzal na sinah ka ruah channak ka chiah ko hnga ii, kan hngah ko hnga, nain ka khat hmanh ka tawn lo caah, sual ka phaw hrim hlahmu, u tling, kan duh tuk ko ti cu na hngalh kha,
Cun nizan i kan hmur a tawn lio caan kha, ka mitthlamah a hung cuang than lengmang lai, kan duh timibia na chim lo hmanhah kha lio kan thisen lum le kan tak lum a hrawmmi kha nihluan kum zeizat a liam hmanh ah ka philh lai lo........
Kan sianglo kan siang hrimhrim lo, ka thinlung hrim nih cun thihnak tiang zawng a in kho men, a ruang cu kan philh kho lai lo timi long na sinah chimh awk kan ngei, nungak pakhat ka si ve caah kan duh tuk kan dawt tuk timi hmai tawnh tein in chimh ding cu ka ruat ngam lo silo in ka thisa nih a ngamh lo caah asi,
U tling a dongnak bikah chimh kan duh mi cu, voikhat hmanh kan duh tuk kan dawt tuk timi bia ka chimlo hmanh law na thinlung chungah hmunhma lianbik a ngeitu ka si ko ti cu ka fiang tuk, cu caah nang zawng nih ka thinlung chungah hmun lianbik na tinco ko ti cu na hngalh ve ko bantuk khan zungzal in zungzal tiang na thinlungah hmunlian bik rak ka ser piak zungzal law,kei zawng nih a tu le zungzal tiang kan serpiak chin lai hinak hmun hma lian ting co chin dingin, timi hi na sinah bia cah ta kan duh, Ka dawt tuk mi U tling ka thinlung ngaktah fabang na ser mi hi na mawh lo, kei zawng nih kan ser ve ka ngai thiammu, tawn thannak caan tha cungzing nu sinah hei nawl usihlaw can tha a kan pek cun kan thinlung ngaktah hi i zoh khenh cang usih mu, u tling, khah sile U tling ka ceicer tuk ve caah ka it ve cang lai damtein mangtha mu, ka thinlung nih an kilkamh zungzal lai timi in ka bia ka donghter....÷÷
Mangku cakuat patling nih a van rel cun, upa pi a celh veruamlo, nausem tah bang a hrum ruangmang ii,maw ka thin mangku ka ngai thiam ko ti bukhin a tang i cum pah khin a tap thluah mah, kawi ceunih cun a thiam tawk le a tikhawh tawk cun a hnemh lennain patling na thlamah an cuang kho in an lut kho lo.....
A mah le a mah hna i tuah tiang duhnak tiang hna in a lung thin cu a kek kuai, mangku na tel lo cun zeitin hme ka um lai, tiin a au, zei tluk a au zawngahmangku nih a hngalh kho ti fawn lo, pa tling nih cun kawi ceu cu paper le ballpen a van hal ii, hi ti hin hla fung khat in a phan i, tingtang he a van hawi colh.....
Ka dawtmi mangku cerhti an put bang ka thinlung rialti rak luang kiarmar,duh lo ruang zawng silo khen kham ruang zong silo, keival ka thinlung ralchiat ruang, nang he zung zal i hlat ding cu ka thinlung nih a celh hrim lo ka thinlung thim hlei mi cu nang long na si camcin lai, chanthar vawlei tiangin......
A țingțang aw le a tah awk nih, a mah thinlung lawng silo, an khua chuah tlang le an khua dih lak tiangin an lung a lenter hna i uai hning hniangtein a um hna,
Kawi ceu zawng nih arak tuar pi tuk ve ii a biang cungin a mithli kham cawk loin an rak luang ve...
An khua chung nih tuni cu a king ririai vokte le in hmaiah a tlawnglengmi hngakchia tilo hmuh awk an um lo, mangku kalni cu an khua dih lak in an tuar dih ko rua, patling long a rak si rua lo, siangin bo ah a tli i patling cu hitin a ballpen le paper cu i lak than in mangku sinah cakuat a thai>>>>>•••••
Dear,
Ka duh dawtbik mi le ka thimsam thlairem mangku, na hrang ka hrangah tawn thannak nican cu cungzingnu sinah thlaza camin ka nawl camcinlai,
Ka thinlung hi nang na liam ti thawng ka rak theih thawk in, thirfung linnak hmanhin a lin deuh,i
Kan ngai lo kan hlam lo ti ning law ka palh ti cu na hngalh lai, kan ngai tuk timi le kan ngeihnak hna hi a chimzia le phuan zia ka thiam lo, cun cakuat longin kan duh kan dawttimi rak phuan dinghi ka thisa an ling dih a ruang cu, na sinah khan in rak chim ninglaw mah tin kan rak si hnga lo caah, a tu ka rak chimh than cun na lung kehkuai ter chintu men ka si chin lai ii voikhat kan thah pinah voihnih in thah than nak a si sual lai ti hna ka phang, nain a zei si hmanhah sual ka phaw hlah mu mangku kan chimhlo hmanhah kan duh kan dawt kan thimmi na si ti cu ka mit au le um ti in na hngalh mi an si ko caah, in chim fiang awk hmanh ka thiam tilo,
Mangku nang na liam ni kha kankhua pitein na zunngai in atap ii, nausem bang ka thinlung hi a cawl cang, sual kan phaw lo, ii kei mah le keimah tu hi sual ka phaw zeitik hmanhah ka ngai thiam lai lo na sinah kan dawt nak bia ka rak phuan lo mi nih ka nun an hrawn dih cang, nain zeitluk in i ngeihchih zawngah mangku san an tlai tilo, kha ni kha cu rak um ko rih law cu ka thisa an hul dih hmanh ah kan chim lai tiin bia khiahnak cu nang na liam ni khan ka rak ngei ve ko nain, nang na liam ni tu a rak si ve ii, kei na sin phuang dingin chunmang ka rak mang that lai pi a rak si ve....khah mangku zanlei minu hmanh liam a zal cang, damte tuin rak um law, zingnu nawl ti usih mu tawn than nak can tha tu cu.......
Hitin mang ku sinah cakuat patling nih a thai...
Kum le can cu an huam liam chinleng mang i kum khat cu a rak liam manh than cang....thal siangin khar cu a rak phan than cang, mangku sinin cakuat a rak phan lengmang veko, nain cakuat long cun duh bia a tling hrimlo, nain tukum thal can chuah cu manngku pa tling nih a ngeih ning hi voidang he ai lo lo, raifanh zawt bantuk in a zawt, mangku hmanthlak khi patling nih a chan tlingtang te ah i chiah in, kan duh tuk mangku tumi hi a chimleng mang nain san an tlai hlei lo, mangku a ngeih cu a ziam kho hrimhrimlo,
Nikhat cu tinga hring dawi an rak sawm than patling cu, a lau a ziah hme ka hna thlamah khin ngahring dawi nan rak chim than, a ti hna ii, a ngeihchia colh, a ruang cu mang ku a ngeihnak nih a theihmi lehmuh mi poah a rak an si dih cang.....mizo ramah nikhat cu mah ti ihkhun ih peng cu a si kho lo, an tii a nule pa nihcun an timh lamh, patling zong nih a si veko, a ti ii a tim ve, mangku cu philh a zuam lengmang a philh kho hlei lo a chun mang le zan mangtian in a hlam i a philh lo,
Tiokuang lei cu a panh ziahmah a hna thlamah mangku aw dawh te le tinga hring an rak dawi i an bia phai le au khuan niha a thinlung a thar in a hun thangh than, aw fingle tlang a langh nak dinh hmunah a din pah khin aw ka dawtmi mangku kan ngai tuk, kan sulhnu nehbuar an kai dih cang, kei mah longin zeitin hme ka cul khawh lai, ttin a au leng mang, pah in tio ti cu kuang cu a van phan, a mithlam ah a ho chimh lo le hmuh terlo in tinga hring an dawi lio caan hna an hun lang, ti a hei dai ziahmah, a mitthli nih a biang an cinter dih, mi dang nih hmu hna selaw mihrut ti awk khin a um, a lai a phanh khin mangku he an thutnak lungpi cu avan lang ai,pa tling cu a lungfah le mangku a ngeih ning an molh ter lo lo a si cang,hi nak ngeihchia hi cu an um ti hnga ma ti dingkhin a lung a hun kuai than, a mitthlam khin, mangku nih cun hei au sehlaw a dawh patling cu lungpi lei cu a fuh thluahmah, dinte khin mangku mangku ttin a holh pah a mithli dawr he cun, a hlanah mangku he lung an rak phawhmi le an sulhnu an au khuan le an bia ruah kha a tu tiang an hmun ko rih ti awk khin a theih hna i a tu ah phuan mi le chimmi ko khi hluan in patling mithmuh lehna thlamah an hun lut,
An hmur an rak i tawn caan le patling nih kan duh timi bia fangkhat chim lo hmanseh a tangnem ah hnangamte in a rak beiter khawh lio caan le mangku nih u tling na pawngah hin zungzal hei um kho sihlaw van ram hmanh ka ngai hlei hnga hme maw, tiin capo bia tak nih pah in a aw no te le dawh tein a rak chim mi kha a lungah an hun thar than, patling cu a nun hlunah a arak phuan lomi nih a nun a hrawn dih, a nunnak hi chun mang bantuk long a si cang......
Patling cu a lung rawhtuk le mangku zun a tuartuk nak ah a hrut lo long a si cang, a bag chung ballpen le catlap te a lak ii hi tihin a hei tial....>
Mangku atan ramin kan co lo nain ka mitthlam le nunhlun nih cun kan co ko, ka nun hlun cheu khhat cu ka hrial hna ii,ka philh cang hna nain nang kan ngeih nak hi cu ka hrial in ka philh kho hrimhrimlo,
Kan rak thutnak lungpi ah khan na thlarau le ka thlarau cu an i co ko ii an hmun zunhzal rihko a tu tiang ka hmuh khawh hna, cu caah nang zun ka tuar man hi a laklo, kan thlarau tal an i co ko, zungzaal an umti nak lai kei cu kha ni thawk khan zeitik hmanhah tinga hring ka dawi than tilo ii, nang mah zawng secand khat hmanh kan philh rih lo ti hi, rau thla in na sinah ka rak thlah,
Nehbuar a kai cangmi kan tlawnlennak hmun kha ka than ter than lai, rimhmui pang than dingin,
Cu thil cu a tha ko na hei ti cun rak ka bawm ve te mu mangku,
Zeitik hmanhah an philh lo tu na ța patling♡ ✏ ♥
Catialtu,
Salai cs thang
Khua dawnkhua,
Tuanmi um rihlo, Siangin B.Th kailio
Kum 23
Mah hi țhințhang makazine ah ka rak tial cangmi ka rak in hrawmhthan hna...
No comments:
Post a Comment