Hi zantimmitthli

hi zantim mitthli

Hi zantim mitthli hi,
Aan hulcaan a phan telai,
leiro ah atla menmi mitthli an
sihrimlailo,

Hi a daimi zaantimah nunu
Nangin ngai in, ka mitthli dawr
He nabia fangkhat hnu fangkhat
Ruat than in, sianlonak mitthli he kan thlahlai,

Hizan zeitik hmanhah philh umtilailo, na minfang le na muihmai
Bel, ka thinlung le ka taksa ah thisenin tial an si cang caah,
Hnawh than cu harlai, nain, catlap
Rangcungah, colors dang zawng a langkho ko, nain minu ka thinlung bel khin cun kan kaltal hrimhrimlo,

hi mitthli le thlanti man a luangmi hi
Nikhat khatah cun na sinah an rak phan ve te lai,nunu!

Kaltak minun sihar nak le, hliamta mi nun ngeitu si a harnak a fahkhun
Nak cu,na sinah an rak tlung ve telai, cu tikah nunu na rak ka hlam thante lai nain, vanzuang hna riahrun an loi dih cang men hnga!

A long dihmi vuleiah hnu chit in kaltak na sitikah na rak ka hlam thanlai, nain nunu khi tik hmanhkhin mu, nasinah ka um ko lai, na ka hlam cun ka ra ko lai,
Nain nunu, na caah sunsak awk tlak in kan dawtkhawh tilai khi ka ruahchanlo,

Na hnu leikhin karkhat hnu karkhat in na penmi keneh te he kan cuan nunu kan sianghrim lo thenthai ding cu.....

nain hizan timah mitthli hi an hul telai, tuzan kumthawng khat a rak um dingmi zantiang khin an luang lai, nain a hulte lai, kan philh caankhi a phan ve telai...

Nunu hi zantim ka mitthli bantuk hin
Ninikhat cu na hrum ai vete lai, i na tang i cumin thinlungkuai in na mitthli vawleiah an rak luangve te lai, khi tikah na lamhtak mi keneh tekha a rak cinter telai, minu,

Khican hmanhkhin kan dawtko rihlai nain na kiangah ka um tilailo
Ka thinlung cun an hnemhlai na mitthli an hnawh piakko lai nain tuah sernak in cun a si thiamtilailo,
A ruang cu caan hi rikhiah an rak um caah a si......

Na mitthli he kan duh na ti than telai i na ka ngai than hmanhah
Caan sinah an liam dih lai,

Minu kan sianglo kan sianghrimhrimlo, hi biazai le capar nih hin kan dawtnak fangkhat tal an langhter kho ma minu,

Hloichom menm silo, phaicawm menmi silo, nunu ka thinlung a laifangin a rak chuakmi biathli an sihna,

Nunu thenlai kan sianglo, nain na lungnawl har cu liampi ko mu,
Hizan timmitthli hi rak hngalve law
minu, lengti thansih zatialtlaiin......

Salai Csthang