Laimi Cațialtu. Cheukhat pawl kan i ralrin ngaingai a herh, ca kan țialtik ah hin kan luantuk tawn ca ah miphun ca tiangah țihnung mi le thiltha lo tampi a chuak tawn.
Websites in le blog pakhatkhat hmang in nihin ah cun cațial mi kan tamtaktak cang, Laimi kan thangcho taktak. Online in phaisa kawlzia hna kan vanthiam i hmai ah kan fawng chinko.
Facebook ah hin laimi tampi cu kan vuivainak hna kan țialhna i heh tiah kan thlah hna kan ca thlahmi le țialmi nih zeibantuk minung dah kan sitimi kha cheuthum cheuhnih cu a langhter. Cu ca ah ca kan țialtik ah kan i ralrin bak a herh, voikhat lungchuak bia le hmuhnak men hna kan chim in kan thlah awk a silo.
Facebook ah. A tam deuh Website, le blog siloah cațial lengmangtu cheukhat hna khi facebook hman a thiam lo mi, facebook nih a suai a dawhbak mi hna an si duh ngai tiah ka hmuh. Ka chim duh mi cu cabia tlamtling sițung lo in cabia (words 100) hmanhtling lo mi cațial i thlah lengmang hi Miphun zawnruah le dawt a sihrimhrim lo, duhlonak langhter,thinhannak phuan,lungfahnak phuan i mah hran in hran vuivainak deuhtu a si.
Miphun na dawt i a zawn na ruah taktak le na minung hawi nih thei ve hna seh, ti na duh bak mi bia le konglam tu cu, website,blog, in silo ah, mah facebook timline,le Miphun Groups hna ah Cabia tling bak in langhter hna. Cu ti a situng lo ah cun, Mipi sinah bia chim kan duh a si ah cun, A takin Facebook hna ah silo in kan chim awk a si. Online chung i Ralțhattuk hi Santlai tuk mi thil a silo.
Website le Blog in ca kan țialtik zawngah, Mipi nih relduh mi le zoh duh milong silo in, Mipi ca ah ațha hnem lai, theihtlai a silai,cun Mipi sin chim awk tlak a siko timi hna long hi kan thlah khawh kan țial khawh a siah cun, kan Miphun le kan ram kan minung hawi hna he Kan hna a ngam lai i nun ning dawh in kan nung kho lai.
Websites in ca kan țial vekvek ah cun, Cabia țha deuh le dawh deuh țial kan i zuam ahau, a hlei in Mi cheukhat facebook hman zia a thiam lo mi hna nih cabia tawite an țialmi an thlahmi hna char in website ah langhter kan hman hi a poituk.
Website nan ser vevek kan ser vevek a siah cun Miphun le Mipi ca ah a țha hnem mi bak si terkhawh i zuam hna usih.
Lai mi website le blog tam deuh hi miphun ca ah ațhat hnem ding bangin a țha hnem lo mi an tam deuh. The Chinland Post, Hakha Post le Riahbuk Longlong hi Laimi website ah cun len awk tlak deuh le a him mi ah ka ruahtu nitiangah cun.
Tuchan ah cun
Facebook account ngeihlo cu chantiluan dawikhawh lo a si cang nain, a herh lo in kan langhtuk le kan holh relmi tunih cun,Date a kan out tertaktak tikhi kan theih a herh.
By း Salai Cs thang
No comments:
Post a Comment