Miphun zeirelo sunsak loah ka ruah
Lai mi cu a thangcho chinding mi hmailei ah kar a
hlang chin leng mang ding kan si, chanti luan nikhat hnu nikhat in a dawi mi
kan si hna,nain kan chan tiluan dawi ningtu nih kan miphun min a chiater kan
miphun a hnursuan lo hi a biapi tuk, Chin mi kan I thawh kehnak hi Tibet ram in
a sitiah tuanbia thiam mitampi nih an chim cu kan tuanbia a rak thawk riin hlan
deuh kan Pupa hna nih cun an mah tein an rak I uk ii an mah tein an rak khuasa
cu hnuah mirang nih an rak kan uk cu hnuah kawlram cozah kuttangah kan hung um
than, cu an um ka hmanh ah cun Miphun hi an rak dawt I
miphun sinak kalphung hi
an rak upat ii an rak dawttuk ti kan hmuhkhawh cio ko hna lai. nain nihin ah
cun minung kan fim in kan thangcho tuk cang hna ii Miphun sinak kan thlau
ziahmah cang, miphun sinak tak Identity kan
thlau ziahmah cang nihin kan dir hmun taktak ah cun Miphun dang nih an
zohnak an hmuhnak ah Chin mi kan si tikhawh hngalh khawh hi a har cang, a ruang
cu kan thancho ning a hman lo ca ah a si,Miphun zahpi bantuk in kan thangcho ii
Miphun zeirellonak thinlungin chantiluan kan dawi hna. Cu ruangah kan Chin
Miphun sinak cu dalchin leng mang cang. Chim ka duh bik mi cu kan Miphun
thilthuam a si mi Kan Miphun sunlawinak bik a simi kan thuam kan hman ning hi a
si, mah ti kan hman pengah cunhi hnu kum 10 ah cun Chin mi kan sinak cu a tlau
te lai ti a fiang. Mah miphun thuam thil hna Keden,Bag, tibantuk, Coat tibantuk
ah kan ii ser riangmang ii mipi hmaiah hmaihngal ngai in kan um kal ngam hi cu
miphun zeirello a si. Ramrum le Ramthangcho miram nih an mah miphun thuam thil
bantuk ah a hmang mi miphun nan hngalh bal ka zum lo.cun aho ram hmanh nih an
hmang bal fawn hna lo bantuk ah a hmang mi hi cu chin miphun lawnglawng kan si
hna. Bantuk hin cun kan miphun thuam hi cu hmang tihram hna hlah usih ka miphun
hawi hna.
Note : a cung cabia hna hi catialtu hmuhnak ruahnak
lawng an si. nang tah zeitin na hmuh ve van chim ve tuah.
No comments:
Post a Comment