Minung vawlei cung dihlak mivialte hi a ho hmanh zumh a duhlo miminung kan um lailo,misual,mifir,mitha zong kan i danglo zumh kan duh dih ko,
Mi kan zumhah cun mizong nih an kan zumh ve, mi kan zumhlo ah cun an kan zum ve hleilo, cucu minung kan nung phung le kan tuhbang kan zun mithil an si,
Mifir zongkhi va zumlaw an tihzah lai i an upat lai ko lai.
Tuanbia pakhat chim ka duh mi cu atak thil acang mi a si hi ka chim lai mi tuanbia hi.
Voikhat cu mifir minthang pa hi Khuapakhat Pastor painn ah a va tlung ti a si,an nunih cun Kanpa hipa hi mifir dahkaw a si cuh,tiah a ti,nain an inn ah cun an tlunter>
Aa zaan ah anpa nih kan nu hi pahi zalonnak, luatnak, petuah usihlaw, coko ah hin ihter ko usih, zingleiah a duh poah hi rak i tlik pi sehlaw rak o lakko tuahseh tiah a ti. Ihnak thatein an serpiak, zaan khua cu a vandei Arkhuang an vanthawh ah khin mifir pa cu a tha rihko a ihnak ah cun a ih ko rih kha an hmuh. Pastor panih cun khah thotuah,ziahtu tiang na thawh lo, hitluk caan tha le hmunthaah zeihmanh tlik pilo in na ih ko tiah a ti.
Mifirpa nih a leh mi cu Kapu, a kan zumtu thil cu kan fir ngam ve lo i, an zeihmanh hi kan tawngh piak ngam ve hna lo tiah a leh, Pastor pa nih afian mi pakhat cu mifir zong kan zumh hna i luatnak kan pek hna a sicun, an kan zumh i an kan tihzah tuk ko tihi afiang colh.
Ka u lenau ka miphun hawi hna, Mi dang nih zumh mi le Tihzah mi si kan duh cun luatlat tein kan pawngkam ah umnak nawl pe hna usih law an kan tih zah lai i an kan upat ko lai.
By. Salai Cs
No comments:
Post a Comment