LAI MIPHUN CU KANTUAN MANA LIAM MI KAN SI

Kanmi phunlai miphun cu, nilin ruahsur lak ah kan tuan kan kawl i,pawcawmnak caah tiin kan thih hlan lo kan tuan a hau i kum 40-55 kar kan si tiang kan tuan a hau i, kan pawcawm nak caah kan lo thim mi hna cu vah a van cu i kan kut hnapan dih durh dih in kan vat i thingkung hna cu kan hau hna i kan lim in, March thla a van phan i kan van duah than hawii, cu le cangka in kangvar ah kan kal i hmang kan chep i, kan i lim in, kan thlai facang hna hmakphek hna kan van cin than i, kan tungtai hmanh nih a in khawh lotiang hna in kan tuan..kan thlai cu , kan cindih in lo thlawh a hau hawi i furle thal thlu lo in nilinruah sur lakah thlanti put in kan tuan hawi i, vawikhat thlawh long a rak za hawi lo, voithim vawili hna in kan thlo i kumkhat chungah.
Can tawi te kan i din i tlawmpal ah facangtuan a rak za hawi i kan sei kan dawrawn pi he lo ah cun rawl cu kan tuan i hehtiah kan tur kan cawl i buhkan sawlh than hawi hna.....
Cu long a sirih lo, cutluk kan tuan kan hah mi cu kan tuanman kan cawi kan liam a hau hawi i, a phurh nak ah phaisa tampi kan liam than a hau i, hmakphek a ngei lo mi ca le bang cun lungsi vangin rawltuan dih hnu zawngah kan um rih, rangin an phurh a hau, cun ei awk rak ngeih loh le bang ah cun chunah nilin ruahsur lakah,kan tuan pinah khin zanlei lolam tlun ah kengin kan phur than hna, laimi cu kan re a va thei hrim dah,

Kan ei awk kan cinkan tuan i kan tuanman kan tuh man kan liam a hau hawii cu vialte kan liamhnu ah kan ei khawh tawn, laimi cu kantuan i kan tuanman pek Si lo in kan tuanman tu kan liam a poi hrim ko,kan zang a tlawm tuk an ti theu nain kan zang a tlawn ruang ah a si lo laimi tluk in riantuan mi hi tampi an um lai i cun kan mah laimi nak in tampi in a tuan mi zawng an um ko lai nain kan zang tlawmruangah kan har kampam hi a si hrim lai lo, laimi cu kan zang a tlawmtuk an ti lengmang mi hi cu a tlawm hrim lo, kantuan tuk ko nain kan nih lai mi cu kan tuanman cu pei kan liam a hauh rih cu, ramdang miphun dang hna cu an tuan man cu pek an si i kan nih cu kan tuan man kan liam a hau caah pei laimi kan sifah hi a si cu,kan tuantuk kan temtuk ko kan laimi hi, kan zang a tlawm hrim lo, kantuanman kanliam caah kan harnak hram pi hi a si ko tiah ka ruah ko...

Note----:Hica hi a tialtu ruahnak a si i a hman lo nan ti kho ko nain kanruahnak hi minung nih kan chim ve khawh timi hi ka tleih chan mi asicaah, ka vantial mi a si....
A hman lo nak le ruahnak cheuh nan ka duh ah cun lunglawmte in ka co hlan,
nanruah ning nan ka chimh mi kha ka caah, fimnak suikhur um nak nan ka chimh khi a si....

Nan duh ah cun nan share khawh....
nan ka share piak ah cun ka lom chin lai...
Nan ka relpiak caah ka lomtuk,
By-Salaicsthang,