Ruah awk tlak lai caholh kilkamhtu phu.

Lai miphun cu Kan holh kaa, kan caholh hi cu kan thlau taktak te ko lai.

Tuzaan cu Cauk ka kaulo nak a saupah caah ka lung ah a rak chuak tuk i mah cun,Cauk relning tiah caan pek ka zuam i ka lak.Cu ka lak mi cu,Pu pa Bia le Hla timi cauk 2007 ah an rak Chuah micauk a hlunpah ngai mi khi la lak.

A chung cabia ka vanzoh hna i,kan laiholh,biathuk,Hla,hnatampi an um ka uartaktak.
Tlap khat hnu tlap khatin ka ka kau chin lengmang i, a phaw te khi voikhat fiang ngai in ka hei zoh cu, Chin Association for Christian Communication tiah a tial mi ka hmuh cabak cun phundang pi in khua ka ruat cawlh.
Cu ka ruahmi cu- Laimi cu Kan Laiholh, kan bia kan hla kan kilkamh awk a si,kan hman awk a sitiah kan dirpi dih hna ti ka Theih tikah ka lomtuk, nain kan dirpi ning le kan tanh ningbelte ah hin, ruah awk aum tiah ka hmuh mi a hun um.
Lai caatial hi a har hleiah kan holh hi a dawhtuk fawn.CACC nih Laica hman awk an chuah i a tialning Cafang fonh ning an chim,zulh cio khawh kan i Zuam hna awk a si.nain a fawilailo tiah ka ruah mi le,ka ruahthiam khawh lo mi cu- zeilungthin keng in dah lai caaholh le bia hi kan dirpi ti hi a si.

Cang ai cuafale cu pi nih a sirin kal hlah uh uh tiah a cawnpiak len ve hna nain amah zong akal lengmang ce caah a fale zong cu ana sirin an kal dih ve thiamthiam. Cu ve bantuk in laimi zong nihin tiang cu kan sirih.
Ka chim duh bik mi cu,Laimi kan bia kan holh, kanca kilkamh tu hi ka upat tuk hna,Zulhphung an sermi zonghi ka ka uartuk fawn hna nain hiti ngaihin Lai caholh le biahi an dirpi kho taktak hnga mo timi ka ruat taktak.
A ruang cu, Kan lai holh,bia,caatial ning zulhphung a sertu bik hramhpi a simi CACC timi hi nan ruat ve mo?

Lai holh Pakhatte hmanh a tello mi minbunh in Lai ca holh le bia an kan kilkamh piak,timi hi na fiangcang mo?
Chin AssociationFor Christian Communication timi hi ka uar lo.

Lai caholh te le bia tein an hman awk a siko tiah ma ruah.

Tahchunhnak ah,Laicaholh kilkamhtu phu tizong in ti hnasehlaw mili cu an kan cawnpiak lo zongah an hnu kan dawi khawh khun hna hnga tiah ka ruah.
A sinain nihin tiangah Lai Caholh kilkamhtu phu hna hi, Laimin,an hmang lo hih,miraang biafang le holhtu an vahman ve diam khi, ruah awk tlaktak cu a siko tiah ka ruah caah pumpak hmuhnak le ruahnak ka rak chim.nang zeitin na ruah ve?
Zeitluk hmanh in hiti ning cun cangai hlei cu kan lo kho hleilailo tiah ka ruah.
Na ruah dingah chim ka duhbik mi cu,Nihin tiang lai Caholh kilkamhtuphu cu Lai cafang le bia holh hmang lo in miphun dang holh bia tu hmang in an kan dirpiak.
Zeitin dah nang na hmuh ve?

By.Salai Cs thang

Note:a cung bia vialte hi pumpak hmuhning le ruahnak longte a si,CACC hi ka duhlo le huat a silo mili nih kan ruah nak cio kan chuah ka duh caah si..ka lom.